Ex miembro di CAFt: Curioso cu Hulanda kier Rijkswet awor, mientras Aruba ta cumpliendo

ORANJESTAD – “Hulanda awor kier un ley di gobierno como condicion pa e refinanciamento di e fianzanan di Covid. Esey tambe ta curioso, pasobra awor Aruba tin su ciclo di presupuesto na ordo” ta palabra di ex miembro di CAFt pa Aruba, Hellen van der Wal den un discurso recien. Van der Wal durante su despedida a tene un discurso, den cual ta mustra awor cu CAFt no tur ora a funciona mes bon y corecto. Den varios articulo, Noticiacla lo reproduci esaki e proximo dianan. Van der Wal a trece varios di su observacionan den su discurso, den cual ta nota cu e tabata ‘basta’ auto critico riba e trabou cu CAFt a haci durante e periodo cu e tabata miembro. 

PRESUPUESTO NA TEMPO

Bek pa e parti di e Rijkswet y e presupuesto, van der Wal ta mustra cu ‘(Gobierno) no solamente ta entrega presupuestonan na tempo, proyectonan di ley di primavera y herfst ta hasta wordo adopta. “ Aunke ainda tin hopi pa gana for di ehecucion di presupuesto” e ta bisa tambe. Cosnan manera rapportnan di ehecucion cu ta laat sistematicamente y no tin cuentanan anual cu un opinion di auditoria no cualifica. “ Pero e presupuestonan di e aña aki y di otro aña ta mustra surplusnan di varios aña. Mirando e raportnan di implementacion cu ta disponibel awor, no tin motibo pa asumí cu e calculacionnan aki no ta realístico. “Pakico anto un ley di gobierno awor? Aki tambe e contesta ta: politica!” van der Wal a sigui bisa den su discurso.