Ex premier Mark Rutte instala oficialmente como hefe nobo di OTAN

Posted on 10/1/2024 9:30 am AST | Updated on 10/1/2024 9:31 am AST

BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.

Rutte a menciona Ukrania como un prioridad principal y a bisa cu e pais ta pertenece na OTAN. El a enfatisa cu Kyiv mester wordo sostene militarmente den e guera kontra Rusia.

Den su prome palabranan den su funcion nobo, Rutte a gradici tur pais pa nan confiansa den su persona. “Mi tin sapatunan grandi pa yena. NATO ta mas grandi y mas fuerte cu nunca. Jens Stoltenberg a pone e bara hopi halto, pero ta lag’é riba un bon nota. Mi kier sigui cu e trabou ey,” Rutte a bisa.

Rutte a enfatisa e importancia di NATO pa tene e mas cu 1 biyon habitante bou di dje safe. E kier haci esaki door di entre otro inverti den futuro. “Pa hasi mas, nos mester gasta mas.”

Mas tempran awe mainta, Rutte a gradici Stoltenberg pa su esfuersonan y a elogi’e pa su trabou den e ultimo añanan. “Mi lo sigui traha duro pa tene e aliansa solido manera baranca.”

Segun Stoltenberg, Rutte ta e susesor ideal. "Bo tin e antecedente y experiencia perfecto pa bira un bon Secretario General. Bo ta Prome Minister pa 14 aña y bo sa con pa haci compromiso. Esey ta hopi importante aki. Ademas bo ta defende nos norma y balornan."

Doño di Tesla, Elon Musk por gana un bonus di 1 biyon dollar
TEXAS - E accionistanan di Tesla a aproba un gran pakete di bonus pa e hefe Elon Musk. Si Musk logra cu balor bursatil di su compania yega 8.5 biyon dollar den e proximo dies aña, e lo ricibi accionnan cu tin un balor di 1 biyon dollar, o sea 1000 miyon dollar.
Mas Internacional
Lesa Mas
Horcan Melissa mas destructivo pa motibo di cambio climatico
MIAMI - Horcan Melissa, cu a pasa riba Caribe siman pasa, a resulta mas destructivo como consecuencia di cambio climatico causa pa e hende mes. Esaki ta sali for di un analisis rapido di cientificonan internacional di e grupo World Weather Attribution (WWA), unda tambe e KNMI ta forma parti. Melissa a causa daño grandi na Jamaica, Haiti, Republica Dominicana y Cuba. Por lo menos 75 persona a perde nan bida. E daño na casnan y infrastructura ta subi na miyonnan di euro. World Weather Attribution a calcula kico ta e influencia cu cambio climatico a tin riba e horcan. Segun e analisis, cambio climatico a causa cu e biento tabata 7 porciento mas rapido cu normal, y e cantidad di awa cu a cay tabata 16 porciento mas hopi.
Mas Internacional
Lesa Mas
Merca cera: Record shutdown ta pone mas presion riba cuidadanonan vulnerabel
WASHINGTON – Nunca antes Merca a keda asina largo den un shutdown manera awor. Ta 37 dia caba cu Democraatnan y Republicanonan den Congreso no por yega na un acuerdo riba un presupuesto nobo. Empleadonan publico no ta ricibi salario, ta tin retraso na aeropuerto y 42 miyon americanonan tin menos placa pa compra comestible. Prijs di seguro medico ta subi te na dak.
Mas Internacional
Lesa Mas
Merca ta limita trafico aereo na 40 aeropuerto grandi di Merca pa motibo di shutdown
NEW YORK - E trafico aereo na cuarenta aeropuerto grandi na Merca lo tin cu wordo limita pa motibo di e shutdown den Merca. Minister di Transporte Sean Duffy a duna instruccion pa reduci e cantidad di buelo for di diabierna cu 10 porciento.
Mas Internacional
Lesa Mas
Candidato socialista Mamdani ta gana eleccion pa alcalde di New York
NEW YORK - E social-democrata Zohran Mamdani a sali gana e funcion di alcalde di New York. Medionan di Merca a informa esaki basa riba e voto cu ya a wordo conta. Te awor Mamdani a logra 50.3 porciento di e voto. E politico di 34 aña a competi contra e candidato Republican Curtis Sliwa y e candidato independiente y ex-gobernador di estado di New York, Andrew Cuomo. Desde prome tabata cla cu Sliwa no tabata tin chens den New York democratico Cuomo a risibi sosten di presidente Trump, pero esaki no tabata mira como algo util den e ciudad blauw di New York.
Mas Internacional
Lesa Mas
Ex-vicepresidente Mericano Dick Cheney (84) a fayece
WASHINGTON - E ex-vicepresidente Mericano Dick Cheney a fayece, segun e familia su comunicado. E tabatin 84 aña.
Mas Internacional
Lesa Mas