Homber arma na cancha di golf di Trump awor tambe ta wordo acusa di intento di asesinato

MIAMI - Ryan Wesley Routh, e homber cu a wordo mira cu un arma na e campo di golf di Trump mas o menos un siman y mey pasa, awor tambe a wordo acusa di intento di asesinato. Esaki ta bisto for di documentonan nobo di corte.

Un di e fiscalnan a bisa ayera cu Routh por enfrenta bida largo den prizon. Procurador General Merrick Garland a yama e asesinato proponi un “acto heinoso” y a bisa cu Departamento di Husticia “lo no spaar ningun recurso” den e caso.

Routh di 58 aña te awor solamente a wordo acusa di poseshon di arma ilegal. E sospechoso mes no a haci un declaracion ainda.

'A FAYA'

Fiscalnan ta bisa cu Routh a sinta pafo di e cancha di golf di Trump pa oranan largo y a punta un arma dor di e cura. Ora cu el a wordo descubri, el a huy den un auto. Debi cu un persona cu tabata eybanda por a pasa riba su plachi di number, polis a logra detene algun kilometer mas leu.

Tambe el a scirbi un carta lunanan pasa confirmando cu su accion tabata un intento di asesinato. E karta tambe a bisa cu el a “faya” y cu e ta haci un yamada na otronan pa mata Trump. Despues di su detencion na comienso di e luna aki, un hende a haya e carta y a pone polis na altura.