Na Hulanda por spera accion den enseñansa despues cu negosacion di CAO a fracasa

AMSTERDAM - Negociacionnan riba un acuerdo colectivo laboral nobo pa enseñansa secundario a fracasa. E Asosiashon di Enseñansa General AOb ta yama akuerdonan tocante reduccion di e carga di trabou e obstaculo di mas grandi. E sindicato ta anuncia accionnan pa fortifica e exigencianan.

“Ataca e cantidad halto di trabou ta e prome, di dos y di tres prioridad pa nos miembronan,” direktor di AOb Jelmer Evers ta bisa. “Nos tin un scarsedad grandi di maestro y e ta e motibo principal cu hende ta stop y cu cuminsadonan ta bandoná enseñansa lihe.”

P’esei e sindicatonan kier a traha acuerdonan di trabou colectivo tocante e tamaño di e klasnan, e cantidad maximo di ora di duna les y mas tempo pa prepara lesnan, controla esakinan y hiba combersacion cu mayornan, por ehempel. "E doñonan di trabou tin lunanan ta bisando 'no' na esaki. Awor nos a caba di papia." Un contrato colectivo laboral nobo lo mester tabata na vigor prome cu 1 di october, ora esun bieu caduca.