Hues a wordo tira mata na Kentucky, sheriff a wordo acusa

WHITESBURG - Un huez a wordo tira mata den un sala di corte den e estado Mericano di Kentucky. E sheriff local a wordo aresta y acusa. Supuestamente nan dos a drenta den un discusion den Corte, pero no ta cla di kico tabata trata. Segun informenan di medionan local, e sheriff a pidi pa papia cu e huez den su oficina. Despues a sera e portanan y empleadonan a tende tiro. E sheriff despues a sali cu su brasanan na laira. E morto di e huez, Kevin Mullins di 54 aña di edad, a wordo confirma pa gobernador Andy Beshear. “Tin muchu violencia den e mundo aki,” el a bisa. Despues di e tiroteo, scolnan den e stad di Whitesburg a bay den lockdown, niun hende no tabata permití pa drenta of sali.