Discurso Willem-Alexander: Bon gobernacion ta extende te na e parti di Caribense di Reino

DEN HAAG / ORANJESTAD – Manera cutumber, tur aña masha poco ta wordo dedica na e islanan di Caribe di Reino durante e discurso di Rey na occasion di e apertura di aña Parlamentario, miho conoci como Prinsjesdag. E aña aki como 9 palabra a keda dedica, for di un frase di 30 palabra for di un discurso total di 2613 palabra. Esaki tabata despues di 665 palabra cu a ‘dedica’ un parti chikito na nos. TA trata di e siguransa cu ‘tur region’ ta conta pa gobierno Hulandes, y tambe ‘e parti Caribense di Reino’. 

PARTI CARIBENSE DI REINO

Den e discurso, dado momento Rey Willem-Alexander a bisa cu : ‘Tur region ta conta’ ta un principio importante den e programa di gobierno (Hulandes:red)” . “ Otro proposicionnan ta regarda mas apertura, renobacion di e sistema electoral, miho leynan y proteccion mas fuerte di derechonan fundamental. E agenda aki di bon gobernacion y siguridad huridico naturalmente ta extende te na e parti Caribense di Reino, como base pa trabou conhunto riba prosperidad y bienestar den futuro”. Pa e discurso completo, click AKI.