Szabó: Ta spera cu caida di gobierno na Aruba no stagna reformanan inecesariamente

DEN HAAG -  “Ta lamentabel cu gobierno na Aruba a cay” ta e prome reaccion di secretario di estado Hulandes pa Asuntonan di Reino Hulandes Zsolt Szabó na Noticiacla diamars. “ Na bienestar di e hendenan eynan, mi ta spera cu esaki no conduci na stagnacion innecesario di entre otro e reformanan y e otro topiconan cu nos ta trahando riba dje hunto”, e mandatario a finalisa bisando den su reaccion cortico pa e portal aki. 

GOBIERNO A CAY

Manera ta conoci, dialuna mainta prome minister Evelyn Wever a entrega e retiro di su gabinete na Gobernador di Boekhoudt riba discrepancia cu nombracion di presidencia di Parlamento. Segun e mandatario, e partner di coalicion RAIZ cu e acto aki a kibra e acuerdo di gobernacion. RAIZ ta disputa esaki y ta sigura cu unico cos cu nan tabata kier ta pa e partner MEP, cambia e nomber di e persona, pero cu MEP ta keda cu e derecho pa nombra un persona, conforme e acuerdo di gobernacion. A informa cu e fecha di eleccion Parlamentario nobo lo ta dia 6 di December proximo.