Gobernador kier prome minister Wever-Croes sigui coopera te ora retiro di gabinete ta definitivo

ORANJESTAD – Gobernador di Aruba S.E. Alfonso Boekhoudt a informa dialuna atardi cu e la informa premier Evelyn Wever-Croes cu e ta ‘considerando e peticion di retiro pa e ministernan di gabinete Wever-Croes y e minister Plenipotenciario di Aruba. Esaki sinembargo ta un simple ‘formalidad’ ya cu ta normal cu ta acepta e retiro.  Tambe Gobernador a haci un peticion na Prome Minister y su gabinete pa sigui percura pa loke ta wordo considera necesario na bienestar di pais Aruba y pa sigui coopera cune te ora cu un decision a cay riba e peticion di ontslag.

E ENTREGA DI RETIRO

E oficina di Gobernador a confirma tambe cu tabata awe, 9 di september 2024, Prome Minister di Aruba, Evelyn Wever-Croes, a presenta e retiro di e ministernan di su gabinete na Gobernador di Aruba, S.E. Alfonso Boekhoudt. Potret di archivo di Noticiacla.