Negoshado di Brexit Barnier a keda nombra como Prome Minister nobo di Francia

Posted on 09/5/2024 9:36 am AST | Updated on 09/5/2024 9:37 am AST

PARIS - Presidente Macron a nombra ex-comisario di UE Michel Barnier como Prome Minister di Francia. Barnier ta conoci, entre otro, pasobra e tabata un negociador pa Union Europeo pa hopi aña durante e combersacionnan di Brexit cu Reino Uni.

Barnier di 73 aña ta e promé minister di mas bieu desde cu e pais a cambia pa un forma nobo di gobierno na 1958 den cua e presidente tin mas poder, e asina yamá Quinta Republica. Barnier ta sigui Gabriel Attal di 35 aña, kende tabata e prome minister di mas jong.

Barnier ta un miembro di e partido di centro derechista Les Républicains. E tabata Comisario Europeo entre 1999 y 2004 y brevemente Minister di Relacionnan Exterior bou di Presidente Chirac na 2004 y 2005. Despues el a regresa Bruselas, atrobe como Comisario di UE.

Barnier tin e tarea di forma un gobierno nobo pa caba cu e impasse politico cu a surgi despues di e eleccionnan. E bloke di izquierda Nouveau Front Popculaire (NFP )sorprendentemente a bira esun di mas grandi den parlamento, pero tabatin mucho tiki asiento pa un mayoria absoluto. Ta p’esei Macron a decara cu “niun hende no a gana e eleccionnan”.

Venezuela ta suspende buelonan for di Colombia te proximo aviso
CARACAS - Buelonan di Colombia pa Venezuela ta suspendi te proximo aviso oficial despues di e descubrimento di un complot terorista nobo di oposicion Venezolano cu e meta pa inflama e pais cu violencia durante e eleccionnan di dia 25 di mei, asina Diosdado Cabello, vicepresidente di e sector pa politica, seguridad ciudadano y paz a anuncia.
Mas Internacional
Lesa Mas
Trump despues di yamada di telefon cu Putin: Ucrania y Rusia lo negosha paro di fuego
WASHINGTON - Segun presidente di Merca Trump, Rusia y Ucrania lo negocia inmediatamente un paro di fuego. El a bisa esaki despues di un combersacion telefonico cu presidente Ruso Putin. Ucrania no a confirma esaki.
Mas Internacional
Lesa Mas
Papa Leo XIV ta tene un audiencia priva cu vice presidente di Merca
CIUDAD VATICANO – Vicepresidente di Merca, James David (J.D.) Vance y Secretario di Estado Marco Rubio, kendenan a asisti na e misa di inauguracion di su pontificado diadomingo a tene audiencia priva cu Papa Leo XIV. Despues di e audiencia priva cu e Papa naci na Merca, Sr. Vance a reuni cu Arzobispo Paul Richard Gallagher, Secretario pa Relacionnan cu Estadonan y Organisacionnan Internacional. Durante e combersacionnan “cordial” den e Secretaria di Estado, Sr. Vance y Arzobispo Gallagher a reitera e bon relacionnan bilateral entre Santa Sede y Merca, segun e Oficina di Prensa di Santa Sede. Tambe nan a papia tocante e colaboracion entre Iglesia y e gobierno di Merca, hunto cu varios asunto “di relevancia special pa bida eclecial y libertad religioso.”
Mas Internacional
Lesa Mas
Ex presidente mericano Biden diagnostica cu forma agresivo di cancer di prostaat
WASHINGTON - Ex presidente di Merca Joe Biden (82) a wordo diagnostica cu un forma agregiso di cancer di prostaat. Esey a wordo anuncia diadomingo atardi. Tin metástasis na e weso, pero door cu e cancer ta parce di ta sensitivo na hormona, tratamento efectivo ta bira posibel. Esei ta un señal alentador
Mas Internacional
Lesa Mas
Cantante Chris Brown deteni na Inglatera pa maltrato na 2023
MANCHESTER - E cantante mericano Chris Brown a keda deteni na Manchester riba sospecho di maltrato agrava na 2023, despues di supuestamente a dal un hende cu un boter den un club nocturno di London. E artista di 36 aña di edat a keda deteni na su hotel ayera mainta alrededor di 2’or. El a yega Reino Uni e atardi anterior cu jet priva. Brown ta keda den detencion y mester presenta den Corte mas laat awe, BBC ta informa.
Mas Internacional
Lesa Mas
Parlatino ta atende cambionan den educacion, salud y demografico den e region
PANAMA CITY - Comisionan di Parlatino ta atendendiendo cambionan den enseñansa, salud y demografico den un reunion cu a tuma luga na Panama. E siman aki. Parlamentarionan di Aruba tambe ta tumando parti na e reunion aki. E Comisionnan di Educacion y Salud di Parlamento Latino Americano y Caribense (Parlatino) a reuni na Panama pa atende temanan di prioridad pa e region, manera e proyecto di Scolnan Creativo di UNESCO, e actualisacion di e Plan di Educacion pa Desaroyo y Integracion pa Latino America y Caribe, envehecimento di poblacion, y e rol di parlamentonan den integracion regional.
Mas Internacional
Lesa Mas