WILLEMSTAD - Kolegio pa Supervishon Finansiero (Cft) den su reakshon riba e konsepto di presupuesto di gobièrnu di Kòrsou pa aña 2025 ta duna diferente rekomendashon pa hasi ahustenan promé ku entregá e presupuesto aki na Parlamento. Cft pa medio di su presidente sra. Lidewijde Ongering ta bisa ku e ta konsehá gobièrnu pa hasi e siguiente modifikashonnan den e konsepto promé ku ta ofresé esaki na Parlamento: 1. Elaborá e direkshon di solushon pa e problemátika finansiero di CMC ku mas detaye, i inkorporá e implikashonnan finansiero di esaki inkluyendo e solushon di finansiamentu pa e kuido na esnan sin seguro den e presupuesto. Adoptá un provishon pa e fiansa di pais na CMC i inkluí reservashonnan multianualmente den e presupuesto pa kubri e riesgo ku no ta realisá e redukshon di gastunan serka SVB. En prinsipio, e reservashonnan aki mester ta Nafl. 25-35 mion adishonal pa aña te 2028.
Tuma medidanan pa evitá e dotashonnan premirá na e ‘schommelfonds’. 3. Revisá e kalkulashon di entradanan for di e ‘fee’ di lisensianan pa operadónan di weganan di azar basá riba e último informashonnan tokante di e trayekto legislativo i e strukturashon (personal) di e organisashon ehekutivo responsabel. Splika di ki manera ta strukturá e empleo di personal di e organisashon ehekutivo inkluyendo un planifikashon i raportá tokante di e progreso den e informenan di implementashon 4. Elaborá un pronóstiko di likides multianual aktualisá i inkluí esaki den e presupuesto. 5. Entregá e informenan tokante di e sifranan (di debe) di e sektor kolektivo ku ainda ta falta, mas pronto posibel.
Cft ta huzga ku Kòrsou, ku e modifikashonnan aki, por mitigá e riesgonan eksistente den e presupuesto (multianual) pa asina yega na un presupuesto realístiko. Ademas, si Kòrsou ta implementá reformanan pa evitá dotashonnan na e ‘schommelfonds’ òf kontribushonnan adishonal na e solushon pa CMC, i ta implementá diligentemente medidanan ku ta oumentá e entradanan manera e ‘fee’ di lisensianan pa operadónan di weganan di azar pais por realisá surplusnan di 0,5 porshento di e bbp.
Segun Cft, di e manera aki, Kòrsou por mehorá su finansa gubernamental i ademas ta duna sustansia na e kompensashon di défisit preskribí. Kòrsou ta aspirá pa realisá surplusnan multianual di aproksimadamente Nafl. 60-70 mion pa aña. Cft no ta mira e aspirashon aki di Kòrsou reflehá den e konsepto di presupuesto presentá. Kòrsou sí ta indiká ku den otoño (herfst) di 2024 lo presentá un Roadmap pa “baha ratio di debe”, den kua lo splika di ki manera pais por baha e ratio di debe te 55 porshento di e bbp. Cft ta mustra riba e echo ku kompensashon di défisit ta un instrumento importante pa pèrkurá ku tin kontinuidat den un maneho presupuestario dirigí riba mehorashon di e durabilidat di finansa gubernamental. NOTA: Texto ta scirbi den Papiamento fonetico di Corsou.
WILLEMSTAD - Den korto tempu, Kòrsou ta konosé su di dos kaso di asesinato. Esaki a tuma lugá ayera tra’i mèrdia na Kaya Ser’i Popchi na Sun Valley. Un hóben di 20 aña a keda tirá i matá den su outo dilanti di porta di garashi di kas. Den kareda di 14.30, sentral di polis a risibí informashon di un kaso di tiramentu ku a tuma lugá den Kaya Ser’í Popchi. Mesora unidat polisial a bai na e sitio i nan a yega topa ku un hòmber sintá den un vehíkulo ku diferente perforashon di bala na su kurpa i no tabata duna señal di bida.
WILLEMSTAD - Corte di Prome Instancia di Corsou a dicta sentencia awe den un caso den cua Banco Central di Corsou y Sint Maarten ta exigi (re)pago di dos di su ex directornan di varios montante cu nan a otorga na nan mes of na nan co-director. Esaki ta regarda reembolso di gastonan huridico, bonus bou di un schema di emergencia, un aumento den e bonus di fin di aña y similarnan. Ambos ex director ta wordo ordena pa paga. E veredictonan lo keda publica pronto via www.rechtspraak.nl
WILLEMSTAD – Diasabra 3’or di marduga, despues di 15 aña Corsou a corona un Reina di Tumba atrobe. E biaha aki tabata Jefdany Manuela a conquista e titulo, cu su tumba ‘Nos bida ta un fiesta’. Potret Morgen Isenia.
WILLEMSTAD – Tur dos cantante di Aruba, y un arubiano cu ta awor residencia na Corsou, a clasifica pa final di Festival di Tumba na Corsou pa diabierna anochi awor, 7 di februari 2025. Ta trata aki di Roderick ‘Rocco’ Franken cu su tumba ‘E molina inteligente’, Chendell Beaumont cu su tumba D’J Ariba, ambos cu e banda di Aruba, Buleria. Y e arubiano cu recientemente a muda pa Corsou, Jeanchrisjair ‘Buddylove’ Versprey cu su tumba CDK2070 cu e banda Icons. Tur tres a cualifica entre e 30 finalistanan cu ta presenta diabierna den Festival Center. Ta posibel pa un Arubiano gana e festival, pasobra no ta huzga e cantante sino e composicion. Y si e composicion zona y move e publico tambe, esey ta conta. Ademas e ganador mester permanece na Corsou pa e resto di temporada di Carnaval, cual ambos di Aruba a compromete cu ne caba, si nan resulta e ganador.
WILLEMSTAD. - Apesar di yobida di áwaseru, no a stroba ku e ambiente den festival Center. Despues di un retraso, e shou musikal di mas grandi di Kòrsou a kuminsá. Te na momentu ku Extra a bai print, mester bisa ku e promé tumbanan a zona realmente bon. Esaki ta indikashon ku kada grupo i kantante ta bon prepará sigur pa loke ta trata e promé dia. Aruba su representante Jerino Ridderstap no por a participa debi na un kebrante di salud inespera.
WILLEMSTAD - Kòrsou lamentablemente ta konosé e di 3 morto den nos tráfiko insigur den ménos ku dos siman di tempu. E di tres morto ta relashoná ku un aksidente ku a tuma lugá djasabra 1 di februari. Riba e dia ei alrededor di mitar di 8 di anochi, sentral di polis mester a dirigí un unidat pa Sta. Rosaweg pa un aksidente di tráfiko entre dos vehíkulo.