Jandino a gana ‘Gouden Kalf’ cu di cinco pelicula di Bon Bini

WILLEMSTAD –  E aktor komediante yu di Kòrsou, Jandino Asporaat a gana e galardon ‘Gouden Kalf’ pa e kategoria di premio di públiko pa e pelíkula ‘Bon Bini: Bangkok Nights’. E pelíkula a risibí mas voto dor di e públiko ulandes. E pelíkula kómiko aki di Jandino Asporaat a atraé mas hende den e teaternan ulandes e aña aki. Ta di sinku biaha ku Asporaat ta risibí e premio prestigioso aki. Den e periodo di 1 di sèptèmber 2023 te 31 di ougùstùs 2024, Bon Bini: Bangkok Nights a logra atraé mas ku 550.000 bishitante pa mira e pelíkula di e aktor yu di Korsou. E kuater pelíkulanan anterior den e seri Bon Bini, skibí i aktua pa Asporaat, a gana e Gouden Kalf di e públiko. Aña pasá, e premio Gouden Kalf di públiko a keda gana pa ‘De Tatta’s’, un pelíkula ku a atraé nada ménos ku 694.000 bishitante. E entrega di e premio lo tuma lugá dia 27 di sèptèmber, durante e último dia di e Festival di Pelíkula Hulandes, na e Stadsschouwburg Utrecht. NOTA: E texto ta scirbi den Papiamento fonetico di Corsou.