Welga na Israel un dia despues di protesta masal exigiendo liberacion di rehennan

GAZA - Awe mainta tin welga na varios lugar na Israel pa exigi pa gobierno haci un deal cu Hamas pa libera e rehennan Israeli. Partidonan y sindicatonan di oposicion a pidi e welga despues cu ehercito Israeli a haya curpanan di seis rehen morto den Franha di Gaza e fin di siman aki.

E hefe di Histadrut, e sindicato mas grandi di Israel, a pidi un welga for di 6’or di mainta ora local awe mainta. “Un acuerdo ta mas importante cu tur cos,” e ta bisa di e rehennan.

E Foro di Rehennan i Famianan Perdi, un grupo cu ta representa e interesnan di rehennan di Gaza, tambe a pidi pa un welga grandi na nivel nacional pa trece e pais na un parada economico. “E retraso den firma e acuerdo a conduci na nan morto y esnan di hopi otro rehen,” e grupo a bisa den un declarashon. Lider di oposicion y ex prome minister Yair Lapid tambe a uni na yamadanan pa paralisa e pais.