Maluma a clausura di 10 edicion di CNSJ 2024 cu broche di oro

WILLEMSTAD – No tin ningun duda cu e artista latino Maluma, a sacudi WTC diasabra anochi y a pone tur hende move riba e ultimo anochi di e di 10 edicion di Curacao North Sea Jazz 2024. Fuera di Maluma, Eros Ramazotti tambe a duna su parti y no por lubida e strea grandi Jennifer Hudson.

E ANOCHIE anochi a inicia cu Jennifer Hudson riba e tarima principal Sam Cook, cu pa un ora a duna tur cu tin. A sigui Matteo Mancuso den e parti Celia, y Kamasi Washington riba e tarima Sir Duke. Un tras di otro e musica tabata zona y e publico grandi, tabata biba cu nan. 

EROS

A sigui e di dos artista ‘grandi’ Eros Ramazzotti cu a presenta su exitonan di 80 y 90 y awe, riba e tarima Sam Cook, mustrando cu e tin aden y cu ‘edad ta djis un number’. E publico a disfruta inmenso di su presentacion un tras di otro. 

JAZZ

Despues a toca turno pa Lizz Wright y Aloe Blacc deleita nan fanaticonan di Jazz y otro genero riba e tarima Celia y Sir Duke. 

MALUMA

Y e organizadornan a laga esun mas grandi, pa hopi, pa final, pa clausura e edicion number 10 di CNSJ cu un broche di oro, presentando e colombiano Maluma. Un tras di otro e tabata los su exitonan, y acompaña pa su bailadornan, e la duna un show total y manera cu bishitantenan a bisa, ‘e la pone un tremendo show y pone tur hende eyden move!’. Cu esaki tambe e di 10 edicion a clausura, cu e acostumbrado vuurwerk, y cu e expectativa pa un proximo edicion, otro aña, si Dios kier.