Na St Maarten, URSM, DP, PFP y SAM ta firma akuerdo di disponibilidad

Posted on 08/23/2024 8:50 am AST | Updated on 08/23/2024 8:51 am AST

W’STAD/PHILIPSBURG.- Partidonan URSM, DP, PFP i SAM di St. Maarten a firma un akuerdo di disponibilidat pa forma un gobièrnu nobo. Huntu e kuater partidonan tin 9 asiento di parlamento.

Lider polítiko di URSM, Luc Mercelina a yama un danki spesial na pueblo di St. Maarten pero tambe outoridatnan hudisial pa un elekshon ku a kana ordená i sin insidente. Segun Mercelina e resultado di elekshon ta un mensahe kla i raspá i ta na e partidonan ku ta forma un koalishon pa respetá e mandato ku nan a haña serka e pueblo votadó.

E siguiente paso ta pa traha un akuerdo di gobernashon pa despues traha un programa di gobernashon, Mercelina ta splika. Lider polítiko di DP, Sarah Wescot-Williams na su turno a bisa ku e pueblo di St. Maarten a papia den forma demokrátiko i bisa ku ta basta ku e weganan polítiko ku a bin ta tuma lugá último añanan.

Tambe el papia di reforma elektoral ku mester tuma lugá pa atendé ku entre otro miembronan di parlamento ku pa loko ta deklará nan mes independiente. Lider di PFP, Melissa Gumbs a yama danki na tur ku a bai vota apesar di e frustrashon ku a surgi despues ku gobièrnu a aki i ku mester a tene un di dos elekshon riba término kòrtiku e aña aki.

PFP tambe ta kere ku reforma elektoral ta nesesario na St. Maarten. Lider polítiko di SAM, Franklin Meyers tabata sumamente kontentu ku den apénas 7 siman ku e partido ta aktivo, a logra saka un asiento i ta forma parti di e koalishon nobo di St. Maarten.

Meyers tambe a mustra ku reforma elektoral ta un mester pa St. Maarten pasobra simplemente no por kontinuá di e forma kon kosnan ta bai aktualmente. Despues di a firma e akuerdo di disponibilidat Mercelina a bisa ku lo no wak bèk riba kiko a pasa, pero lo wak pa dilanti ku positivismo pa hiba e pais na halturanan nobo i unifiká e poblashon.

E mandato ku a haña awor ta pa siña di e lèsnan di pasado i traha riba un mihó futuro pa tur siudadano, esta Mercelina. E repartishon di kartera ku partidonan a yega na dje ta URSM 2 minister (Asuntunan General – promé minister – i Salubridat, Asuntunan Sosial i Labor), DP 2 minister (Finansa i Turismo, Asuntunan Ekonómiko, Transporte i Telekomunikashon), PFP 2 minister (Edukashon, Kultura, Hubentut i Deporte i Bibienda Popular, Planifikashon Urbano, Medio Ambiente i Infrastruktura) i SAM 1 minister (Hustisia).

Presidente di parlamento a bai pa DP miéntras ku URSM lo nombra e minister plenipotensiario. Djaluna 26 ougùstùs Konseho Supremo Elektoral lo tene un reunion públiko pa determiná resultado final di elekshon di 19 ougùstùs último.

Gobernador a nombra Mercelina formado di gobierno nobo pa St. Maarten
W’STAD/PHILIPSBURG - Gobernadó di St. Maarten, Ajamu Baly a nombra den fin di siman tras di lomba lider polítiko di partido URSM i alabes promé minister demishonario, Luc Mercelina komo formadó. Esaki despues di a konsultá ku tur 7 partido ku a saka asiento durante elekshon di 19 di ougùstùs último i tambe despues di a tuma nota ku 4 partido, esta URSM, DP, PFP i SAM a firma dia 22 di ougùstùs un akuerdo di disponibilidat pa forma un gobièrnu nobo.
Mas Region
Lesa Mas
Consulado General di Merca na Corsou a anuncia Consul nobo
WILLEMSTAD – Consulado General di Merca na Curacao ta contento di anuncia yegada di Sr. John McNamara como Consul General di Merca na Curacao y Hefe di Mision na Aruba, Bonaire, Curacao, Saba, Sint Eustatius, y Sint Maarten.
Mas Region
Lesa Mas
Conseho Insular di Bonaire a huramenta e Arubiano Jacqueline Harewood como e griffier nobo
KRALENDIJK – Diaranson atardi, Conseho Insular di Bonaire a huramenta e Arubiano Jacqueline Harewood como e proximo griffier pa e isla. Harewood ta cuminsa asina un carera nobo te na Bonaire, despues cu na Aruba e la fungi hopi aña na DIMAS como un specialista riba e tereno di asilo politico.
Mas Region
Lesa Mas
Carnival Vista ta cancela bishita pa Aruba na september debi na problema cu propulsion
MIAMI - Di acuerdo cu un declarashon manda pa e huespednan reserva, e barco mester hasi reparacion y lo no por nabega for di Port Canaveral dia 7 di september 2024. E tabata poni pa yega Aruba dia 10 di September proximo, hunto cu e otro barco Carnival Celebrity y Celebrity Beyond. E barco ta carga maximo 5 mil turista.
Mas Region
Lesa Mas
Partido di Jacobs a gana pero Mercelina por sigui goberna despues di eleccion na Sint Maarten
PHILIPSBURG - E coalishon dirigi pa medico Luc Mercelina a sali mas fuerte for di e elekshon ku a tene na St. Maarten dialuna. Tanto e partido URSM di Mercelina mes, como partner di koalishon DP a gana un asiento mas, cu kada un tres asiento na tur. Di otro banda, e partido di Silveria Jacobs National Alliance, a gana e eleccion net net si conta e cantidad di voto.
Mas Region
Lesa Mas
Polis y soldat ta vigila cayanan di St Maarten awe pa eleccion Parlamentario
PHILLIPSBURG - Polis y soldad ta vigila cayanan di St Maarten awe pa eleccion Parlamentario. E ta un bista inusual riba Sint Maarten: no tin pasashi di un horcan, pero toch soldatnan hulandes y curasoleño ta patruya den cayanan di Philipsburg. Pa di dos biaha e aña aki, e votadornan di e isla lo bay vota. Nunca antes tabatin asina hopi polis riba tereno y nunca antes nan mester a haya sosten di militarnan.
Mas Region
Lesa Mas