Molinanan nobo di biento a cuminsa bay laira na Koraal Tabak na Corsou

WILLEMSTAD - E transporte di e partinan di e mulinanan di bientu ku tin di keda pone riba tereno na Koraal Tabak a kana mihó ayera. Siman pasa Noticiacla a nota ku apesar ku a saka diferente atvertensia pa outomobilistanan por tene kuenta kuné, tòg tabatin un ke otro molèster. Ayera a logra hasi un total di 3 transporte i kisas pa otro siman si tur kos kana manera awe lo por ta kla. I miéntras e transportenan ta tumando lugá, e trabounan pa instalá e mulinanan riba e tereno di Koraal Tabak tambe ta kontinuá.

Noticiacla a tuma nota kon e mulinanan ta keda hinka den otro miéntras e piesanan ta yega un pa un. Ta trabou grandi, un organisashon inmenso su tras i sigur di profeshonalnan ku a sa di laga tur kos kana manera por a spera.

Aqualectra i NuCapital sigur por ta orguyoso di kon e kosnan ta kanando.

I ayera meskos ku siman pasa, diferente hende a bai sinta kantu di kaminda pa mira e maniobranan ku tabata tuma lugá pa transportá e partinan di e mulinanan.

E transporte ta kontinuá e siman aki tambe i probablemente djadumingu próksimo lo por kaba kuné.  NOTA: Texto scirbi den Papiamento fonetico di Corsou.