Reino Uni, Francia i Alemania ta pidi Iran pa abstene di ataca Israel

LONDON - Reino Uni, Francia y Alemania ta pidi Iran y su aliadonan pa abstene di ataca Israel. Presidente Frances Macron, Canciyer Aleman Scholz y Prome Minister Britanico Starmer a scirbi den un comunicado conhunto cu nan ta “profundamente preocupa pa e aumento di tensionnan den e region”. Un paro di fuego lo bira mas for di bista si Iran realisa un accion di represaya, nan ta bisa.

E tres lidernan Europeo a elogia e “trabou incansabel di Qatar, Egipto y Merca pa yega na un acuerdo riba un cese di fuego y liberacion di e rehennan.” Nan ta boga pa un reanudacion inmediato di e negociacionnan di paz. “E bringamento mester stop awor y tur rehen cu Hamas ta tene ainda mester wordo libera. E pueblo di Gaza mester di yudansa urgentemente,” e declarashon a bisa.

Siman pasa, Merca, Egipto y Qatar tambe a publica un comunicado conhunto cu ta urgi Israel y Hamas pa reanuda negociacionnan.