AHATA ta contra cu taxistanan a usa metodo cu ta causa daño na nos industria turistico

ORANJESTAD – E gremio hotelero y di industria turistico AHATA a reacciona riba e accion di taxistanan unda cu a blokia caminda pa yega aeropuerto diamars y a condena esaki. “AHATA ta respeta e derecho di protesta, pero no ta di acuerdo cu ta usa metodo cu ta causa daño na nos industria turistico” e CEO di AHATA, Tisa LaSorte a declara diamars anochi.  “Especialmente no metodonan cu ta contra ley y cu ta perhudica futuro di henter comunidad, incluyendo di esnan protestando”. E tabata un mensahe cortico, pero sigur cu a bisa hopi cos, indicando cu nan a desaproba e metodo cu taxistanan a usa.