- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
HOH: A cambia entrada y ruta pa test di radiologia, debi na construccion
ORANJESTAD - E proyecto di renobacion y construccion andando na Horacio Oduber Hospital (HOH) ta trece su retonan mirando cu trabounan di construccion mester tuma luga mientras cu HOH ta keda operacional brindanco cuido. Den cuadro di e renobacion ya tumando luga na e lobby principal, e area actual unda e lift den Toren A ta situa lo wordo afecta y pues lo mester wordo cera temporalmente.
Mirando cu siguridad di empleadonan, pashent y cliente semper ta na prome luga a busca un ruta alternativo pa yega na departamento di radiologia. Ya caba algun test ta ser haci parti patras di Hospital y aworaki entrada pa tur test cu mester wordo haci di radiologia ta via e caminda parti patras di Hospital. Personal di seguridad t’ey pa duna guia pa parkeer y pa yega na e bali di registracion of localidad di test di radiologia.
Tene bon na cuenta si bo tin cu haci test na departamento di radiologia:
- Pa tur test di röntgen (X-ray) acudi na bali 1 di departamento di radiologia den Hospital aworaki tambe via entrada parti patras.
- Pa tur test di CTscan y MRI acudi na bali di CT/ MRI den Hospital via e entrada parti patras.
- Pa tur test di Echo policlinico y test di Mamografia e pashent por acudi na e localidad parti patras mes di Hospital di biaha.
Dilanti Aqua Windie’s lo tin borchi pa guia’bo pa asina bo yega parti patras di hospital. Pasa cu bo auto di biaha patras y un miembro di siguridad lo yuda bo pa asina bo acudi na e localidad corecto pa registra y haci bo test.
E cambionan aki lo ta vigente te cu proximo aviso y tanten cu tin construccion andando na e areanan afecta. Nos ta pidi comunidad comprension pa e situacion y ta gradici di antemano pa e pashenshi. Nos a trahando duru pa minimalisa e molester. Pa cualkier informacion tocante testnan por yama Hospital su departamento di radiologia na 5274520.
Meteo a emiti un aviso pa calor excesivo
ORANJESTAD - E condicionan di tempo durante proximo 24 ora ta indica cu e humedad halto y e biento poco zwak lo pone cu nos lo bai experencia un dia mas caluroso cu normaal. Temperaturanan lo por yega 35 te 36 grado celsius den dia y lo no baha menos cu 29 grado celsius den anochi. Esaki lo aumenta e peligro pa hendenan cu no por haña un lugar adecua pa refresca nan curpa.
A.T.A. a comparti e strategia nobo encuanto e programa “Aruba Promise”
ORANJESTAD - Aruba Tourism Authority (A.T.A.) a presenta e di dos sesion bou di capa di secionnan “Eco-Conscious” dirigi na socio nan den e industria di turismo local. Un sesion cu a ser presenta pa Marisol Sanchez – Communications Manager di A.T.A., y representantenan di agencia internacional Zeno Group cu a cumpli cu un investigacion extensivo hunto cu A.T.A., esta Stephanie Casanova SVP Consumer Communications, Amelia Brandt - Senior Vice President - Purpose & Impact, y Sherwin Francies - Senior Account Executive – Consumer. A comparti e strategia nobo encuanto e programa “Aruba Promise”, cu ta dirigi riba entre otro nos bishitantenan y ta delinea na nan e ‘Code of Conduct’ desea durante nan bishita.
DCNA Tur 6 isla di Caribe Hulandes a tuma iniciativa pa restaura e rifnan di coral
ORANJESTAD - Tur e seis islanan- Aruba, Boneiro, Corsou, Saba, St. Eustatius y St. Maarten a tuma medidanan unico y proactivo pa atende cu e retonan cu nan rifnan ta enfrentando. E esfuersonan di restauracion door di e organisacionnan local di corservacion di naturalesa a keda presenta durante e Dutch Caribbean Nature Alliance (DCNA) Workshop di Restauracion di Rif recien y nan ta critico pa sigura salud y duracion di bida di e tesornan di bou awa aki pa hopi aña mas.
Censo: Relaciona cu e proximo eleccion, dentro di un siman, registro di votadornan ta cera
ORANJESTAD – Censo a participa diahuebs cu conforme articulo 3 jo. 33 di nos Ordenansa Electoral e cierre di e Registro di Votadornan ta tuma luga 30 dia prome cu entrega di lista cu ta dia 18 october 2024. Esaki ta significa cu solamente personanan cu dia 18 september 2024 ta inscribi den e Registro di Populacion y di berdad ta biba na Aruba y tin nacionalidad Hulandes y dia di eleccion tin 18 aña bay ariba, por participa na e votacion dia 6 december 2024.
ELMAR ta introduci CONTACTO CU BARIO
Analisis: Hopi atrobe den politica
Follow NoticiaCla
