Horcan Debby tabata bayendo cu basta furia den direccion di Florida

MIAMI - E estadonan mericano di Florida, Georgia i South Carolina tabata preparando pa horcan Debby. Di acuerdo cu e Centro Nacional di Horcan (NHC), e tormenta aki tempran diadomingo ainda tabata desaroyando den un horcan i probablemente lo a yega tera den nortoost di Florida dialuna atardi, ora local.

“Tin cantidadnan realmente asombroso di awaseru pronostica, i mi kier men asombroso na un manera negativo,” Direktor di NHC Michael Brennan a bisa. En total, Brennan a bisa, 760 milimeter di awa por cai.

E alcalde di Savannah a papia den un conferencia di prensa di “un tormenta enorme” cu ta acercando. “E palabra ‘historico’ no por wordo enfatisa di mas aki.”