CBCS: Si pa december St. Maarten no aproba acuerdo Ennia, e deal ta ‘off’

Posted on 08/2/2024 9:07 am AST | Updated on 08/2/2024 9:08 am AST

WILLEMSTAD - Direkshon di Banko Sentral di Kòrsou i St. Maarten a mira e nesesidat pa den forma ofisial splika sr. M. Gumbs, Minister di Finansa di St. Maarten, kiko ta e loke e akuerdo riba rekuperashon di Ennia ta enserá. Den e karta aki gerensia di Banko Sentral (CBCS) ta bisa ku e akuerdo aki ta suheto na aprobashon di parlamentonan di ámbos pais. Por sierto, Parlamento di Kòrsou a ekspresá su sosten kaba pa e akuerdo dia 29 di febrüari 2024. E konsiderashon dje akuerdo aki den parlamento di St. Maarten a start dia 27 di yüni 2024 i tabata programa pa su kontinuashon dia 19 di yüli 2024. Pero dor di sirkunstansianan trágiko i imprevisto, e kontinuashon a keda suspendé te ku un otro aviso.

Segun CBCS miéntras ku no haña e aprobashon di parlamento di St. Maarten, e resolushon riba Ennia no por ser implementá i komo tal tin e riesgo serio ku lo por surgi un situashon fuera di kontròl den kual Ennia ya lo no por paga benefishinan di seguro i otro kompromisonan na e portadornan di un pólisa. Debí na un défisit struktural den e portafolio di invershon di Ennia i pago di obligashonnan koriente na portadornan di pólisa, e resolushon riba mesa a akordá ku ta nesesario i urgente pa evitá e bankarota di Ennia Group, ku tur e konsekuensianan negativo relashoná ku esei.

Na konsepto di CBCS, e akuerdo ku tin aktualmente ta e solushon di mas faktibel pa resolushon di Ennia, kual a yega na dje despues di konsiderashon kuidadoso dje interesnan di tur partido envolví. Konsiderando e desaroyonan mas resien, CBCS a disidí di hasi un rekalkulashon di e tempu relashoná ku implementashon di e akuerdo. E kalkulashon aki a kondusí na e konklushon ku, ta yega un momentu despues di kual e akuerdo aki ta bira algu práktikamente imposibel, i esei ta yegando hopi lihé.

Mas aleu CBCS ta bisa ku el a tuma e siguiente konsiderashonnan na kuenta pa yega na e konklushon aki:

PRESHON FINANSIERO

E aktual situashon finansiero di Ennia ta deteriorando pa motibu di pagonan ku tin di hasi na portadornan di pólisa. Segun kalkulashon di CBCS, pa inisio di 2025 lo no por sigui paga. Debí na e preshonnan aki, CBCS a stipulá 1 di desèmber 2024 komo último fecha pa por finalisá e proseso di restrukturashon di Ennia.

PRESHON DI TEMPU

Tin hopi paso rekerí ku ta konsumí tempu pa implementá e restrukturashon di Ennia Group. E pasonan di implementashon ta inkluí e.o. lisensianan pa e kompanianan di seguro nobo; aprobashon di korte pa por ahustá sierto kontratonan di seguro pa por transferí parti di e gastunan; prepará e implementashon operashonal. E pasonan di implementashon no por inisiá promé ku aprobashon di parlamento. Tin pasonan ku ta nesesario pa haña e koperashon aktivo di St. Maarten mes, kual ta e.o. nombramentu di e hunta di supervishon.

ELEKSHON

Aparte di e situashonnan di preshon menshoná ariba, tin elekshon tambe ku ta tuma lugá na St. Maarten dia 20 di sèptèmber 2024. Esei ta nifiká ku e aprobashon lo mester bini di e aktual parlamento, sea promé ku elekshon òf djis despues. CBCS ta kere ku kontinuashon di e reunion públiko di Parlamento dia 19 di ougùstùs 2024 ta vital. NOTA: E texto ta scirbi den Papiamento fonetico di Corsou.

Cft no ta compronde con gobierno di Corsou ta hunga tanto cu sifra
WILLEMSTAD - Resientemente e Kolegio pa Supervishon Finansiero (Cft) a dirigí un karta na Minister di Finansa, drs. Javier Silvania, komo reakshon riba su di kuater reportahe di implementashon. Den su introdukshon e kolegio ta bisa ku e reportahe akí ta indiká ku por lo pronto tin un surplus den e servisio ordinario di XCg. 142 mion. Ku esei Kòrsou ta kumpli ainda ku e normanan sentral di presupuesto ku ta señalá den e Lei di Reino pa supervishon finansiero riba Kòrsou i St. Maarten i e kompensashon dje défisit ku ta ser eksigí. E surplus akí lo tin di ser ahustá konsiderablemente pa motibu ku ainda Kòrsou tinku prosesá e entrada i gastunan adishonal. Despues di prosesá e entrada i gastunan akí Kòrsou ta spera ku finalmente e lo yega na un surplus di XCg. 63 mion. Ta di sumo importansia ku Kòrsou realmente ta logra e resultado akí, pa motibu ku e surplus ei lo tin di bai kubri e défisit di XCg. 62 mion riba servisio di kapital.
Mas Corsow
Lesa Mas
Na Corsou, a duna Condecoracion Real na 12 ciudadano
WILLEMSTAD - Gobernadó di Kòrsou, su ekselensia sra. Lucille George-Wout na nòmber di su mahestat rei Willem Alexander Awe mainta a entregá kondekorashon real na 13 persona; 12 siudadano di Kòrsou i un di Hulanda. Durante di e okashon “lintjesregen” den patio di palasio na Fort Amsterdam e personanan a haña entrega di e kondekorashonnan pa nan trabounan hasí na bienestar di komunidat di Kòrsou.
Mas Corsow
Lesa Mas
Homber deteni na Curacao den investigacion pa asesinato di Peter R. de Vries
WILLEMSTAD - Un homber a wordo deteni awe na Curacao riba sospecho di tin un “leadership role” den un organisacion criminal cu tabata tras di entre otro e asesinato di e reportero di crimen Peter R. de Vries. Asina e portal hulandes NOS ta raporta.
Mas Corsow
Lesa Mas
Na Corsou a presupuesta menos cen pa salario di parlamentario i personal
WILLEMSTAD - E suma ku Parlamento ta reservá riba presupuesto pa gastu di personal ta baha na 2026. Esaki ta e gastu di salario pa miembronan di parlamento, kolaboradónan di frakshon i personal di ‘griffie’. Na 2024 tabatin un suma di 8,1 mion florin reservá, pero na 2026 esaki lo ta 7,7 mion.
Mas Corsow
Lesa Mas
Hefenan di bombero di islanan CAS y Caribe Hulandes ta cera acuerdonan nobo
WILLEMSTAD – E hefenan di bombero di Corsou, Aruba, Sint Maarten y Hulanda Caribense a cera palabracionnan nobo pa loke ta trata nan cooperacion. Representantenan di Servicio di Bombero Hulandes y Academia Nacional di Brandweer tambe tabata presente.
Mas Corsow
Lesa Mas
Na Corsou, secretario di estado Hulandes sr. Szabó a bishita Conseho di Minister
WILLEMSTAD - Ayera 9 di aprel 2025, sr. Zlost Szabó, Sekretario di Estado enkargá ku Relashonnan den Reino i Digitalisashon, a hasi un bishita di trabou pasando serka Konseho di Ministernan. Na promé instante Sr. Szabó a felisitá Sr. Pisas pa e viktoria durante e elekshon parlamentario di dia 21 mart 2025.
Mas Corsow
Lesa Mas