Famia di hobencita Mericano accidenta mortalmente na Aruba, contento cu cambio di ley pa deporte acuatico

BOSTON – E famia di Cassidy Murray, e mucha muher cu a fayece durante un desgracia na beach na Aruba dos aña pasa, ta contento cu gobierno di Aruba a adapta leynan di deporte acuatico cu ta pone cu e.o. entrante 1 di januari 2025, companianan di deporte acuatico (watersports) mester pone spotternan adicional y guardia di propeller riba barconan turistico como mehoracion di siguridad. “Mi ta kere cu tur e incentivonan ta na e luga corecto y tambe e consecuencianan di no cumpli cu ley ta tremendamente serio pa cualkier operador cu lo haci esaki”, segun Congresista Stephen Lynch di Boston.

E CASO 

Tabata na maart di 2022 pa motibo di un accidente di tubo acuatico riba laman na Palm Beach, e hobencita di 13 aña Cassidy Murray a bin fayece cruelmente. E accidente a sosode riba e ultimo dia di un vakantie di famia pa Aruba, ora cu Cassidy a wordo tira den awa for di un tubo riba cual e tabata core hunto cu su tata, despues dal’e pa e boto cu tabata hala su tubo ora cu e tabata bin rond. 

FUNDACION

Mientrastanto e famia a lanta un fundacion Fundacion Cassidy Murray, cu ta yuda famianan atende cu tristesa y trauma di un perdida repentino, y pa cambionan di siguridad den boto cu lo wordo haci pa gobierno na Aruba. Algo cu a sosode tambe awor.