Kamala Harris tin suficiente sosten pa oficialmente bira candidato presidencial pa partido democraat

WASHINGTON – Presunto candidato presidencial Mericano pa partido Democraat, Kamala Harris tin sufisiente apoyo di delegadonan pa por wòrdu nominá komo kandidato presidensial di Partido Demokrátiko. Calculacionnan di medionan Mericano ta confirma e propio reclamo di e candidato presidencial.

Harris a reklamá e viktoria despues ku mas ku 300 representante di California, dirigí pa Nancy Pelosi, a apoy’é ofisialmente. “Komo yu muhé di California, mi ta kontentu ku nos kampaña a risibí sufisiente voto pa medio di e delegashon di mi estado natal,” ela kontestá den un splikashon.

A base di ekspreshonnan públiko di sosten i su propio buèlta di yamada, AP a kalkulá ku Harris por konta ku e sosten di por lo ménos 2.668 delegado. Esei ta hopi mas haltu ku e mayoria di 1976 ku tabatin mester pa gana e nominashon riba e promé papel di votashon.

Loke tambe ta un impulso pa Harris ta ku ningun di e enkuestadonan a menshoná e nòmber di un kandidato kontrali. Tabata tin solamente 54 delegado cu ainda no kier a entrega un escogencia. AP ainda ta tene un bista riba dje, pasobra e delegadonan ta liber pa vota pa un otro hende durante e convencion di partido na augustus.NOTA: Texto ta scirbi den Papiamento fonetico di Corsou.