Hof a mantene sentencia den Caso Avestruz contra sospechoso Arends, pero a elimina e multa

ORANJESTAD – Corte di apelacion (Hof) diabierna a mantene e sentencia anterior di Corte di prome instancia contra sospechoso L. Arends, dictando 24 luna di castigo di prizon, di cual 12 ta condicional cu un tempo di prueba di 3 aña. E diferencia ta cu Hof no a haya necesario pa duna Arends un multa (di 50 mil florin) manera cu a keda sentencia den Corte di prome instancia. Segun Hof, Arends di 67 aña a wordo condena pa defrauda e pais. Corte ta considera proba cu e (hunto cu Sevinger) a conspirapa adkeri derechonan di huur atraves di e companianan di e dama, mientras cu no tabatin intencion pa desaroya e tereno en cuestion nan mes. Door di pone e companianan aki - como un casca bashi - entre e minister como opcion y dunado di huur y e desaroyadornan real di e terenonan, e desaroyadornan aki mester a paga montantenan considerablemente mas halto kcu lo tabata e caso sin e intervencion di e companianan akii. Segun Hoif, Arends tambe a soborna e minister door di pag’e for di e ganashi di benta di un di su companianan, y e minister a acepta e pago aki. Ambos tambe ta condena pa esaki segun Hof.

PROBA

Hof a haya proba cu Arends a abusa di e sistema, a cumpra ex minister Sevinger, y a burla di e sistema, ganando placa bruto facil, sin mucho esfuerso. Como tal e ta complice di soborna e minister activamente, di cual e la haya hunto casi 800 mil florin di ganashi. E sentencia di castigo di prizon anterior tabata igual na esun actual. Pa e sentencia click AKI.