Victoria di Colombia ta mantene e ambiente di futbol na Aruba na bida

ORANJESTAD – Cu e victoria diaranson anochi di e seleccion nacional di futbol di Colombia contra Uruguay di 1-0, e ambiente na Aruba di futbol internacional a keda na bida. Esaki despues cu e otro ekipo, Hulanda a cay afo den e Copa Europa, algun ora prome. Hopi pero hopi negoshi tabata y ta organisa ambiente y momento special pa wak e partido cerca nan. Y esey awor ta continua cu Colombia ainda den contienda.  Colombia cu cu su futbol feliz, mix di talento y curashi, a clasifica pa e final di Copa América, lagando e balente Uruguay riba un caminda di sumpiña, cu un solitario y infinito 1-0. Argentina ta warda y Colombia   ta bay p’e. E wega ta poni pa cuminsa 8’or di anochi diadomingo awor.