Premier Wever-Croes a ‘topa’ digitalmente cu secretario di estado nobo Zsolt Szabó

ORANJESTAD - Diamars mainta, Prome Minister Evelyn Wever-Croes tabata tin e prome reunion cu Secretario di Estado pa Relacionnan den Reino nobo señor Zsolt Szabó. E meta di e reunion tabata pa por a cera conoci cu otro, y papia riba e prioridadnan di ambos banda. Durante e reunion, Prome Minister a informa señor Szabó riba con Aruba ta para actualmente, 

RETONAN 

Prome Minister tambe a menciona e retonan cu tin actualmente, di cual un ta e negociacion cu Hulanda cu awor tin cu cuminsa cu e gobierno nobo pa asina purba yega na un interes abou definitivo pa cu e debe di covid. Otro temanan importante ta e cambio climatico y e transicion di energia. 

BON AMBIENTE 

“E reunion a bay den bon ambiente, na unda a haci palabracionnan di con lo bay traha y comunica cu otro, sperando asina cu e relacion di trabou ta bay ta uno fructifero.