Detencionan pa motibo di menasa terorista na Weganan Olimpico di Paris

PARIS - Den e ultimo dianan, un cantidad di persona a wordo deteni pa posiblemente planea un atake riba Weganan Olimpico. Minister di Interior Frances Gerald Darmanin a bisa esaki na e canal di television Frances BFMTV.

“Varios hende a wordo aresta na dos caminda,” Darmanin a bisa. E no kier a bisa nada mas di e detencionnan ni e cantidad di hende.

Sinembargo, Darmanin a bisa cu e siguridad di eventonan y eventonan grandi ta bin na prome luga. “Accionnan terorista no ta solamente tuma luga durante e Weganan, pero por tuma luga na cualkier momento.” E sospechosonan a keda entrega na outoridatnan hudisial.

NIVEL DI MENASA

E Weganan Olímpiko ta cuminsa oficialmente dia 26 di juli. 10.500 atleta di 206 pais ta participa. Ta anticipa cu miyones di hende lo asistí na e evento deportivo. Francia lo desplega 30.000 polis y 15.000 solda pa garantisa seguridad.

Na cuminsamento di e aña aki, e nivel di menasa di Fransia a wordo subi di dos pa tres, bisando cu e menasa di un atake ta “hopi probabel.”

Darmanin ta bisa cu deliberadamente e no a haci e detencionnan publico mas tempran, pasobra Francia ta meimei di eleccion. E di dos buelta di eleccion parlamentario ta diadumingo proximo.