- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
A celebra Dia di San Juan/ Dera Gai na Hulanda
DEN HAAG – E grupo conoci di Rubiano na Hulanda, Nos Baranca na Tilburg a tene un merdia familiar na unda tabata tin un combinacion di hersengymnastiek y celebracion di San Juan/Dera Gai.
Na e hersengymnastiek a partici shete ekipo na unda un ekipo di Gabinete di Aruba bou di e nomber Cabes duro di Den Haag. Despues di 61 pregunta den diferente categoria, e ekipo Jolly Pirates a bai cu e Prome premio, sigi pa Biba Dushi na di dos lugar y e ekipo di Breindhoven na di tercer lugar.
E di dos parti di e merdia tabata den cuadro di e fiesta di San Juan. Maria Ridderstaat a habri e programa cu canto di nos himno nacional ‘Aruba Dushi Tera’. PR di Gabinete di Aruba Sidney Kock a tene un discurso cortico unda ela disculpa Minister Plenipotenciario Ady Thijsen cu debi di ta sufri un quebrante di salud no por tabata presente, pero si ta apoya e initiativa di Nos Baranca pa despues di Covid, a organisa un fiesta di San Juan y asina tene nos cultura na bida na Hulanda. Sr. Kock a bisa cu esaki ta e momentonan cu Arubianonan ta bin hunto pa celebra, aprecia y cultiva nos cultura y a bisa cu spera cu na final di aña aki tambe lo tin un Festival di Dande na Hulanda, cu ta un otro expression bunita y unico di cultura di Aruba.
Despues e publico a sigi gosa bou guia di Luis Figaroa di e fiesta di San Juan, cu canto, baile, rancamento di bandera y matamento di e gai.
E ganador di e cantica di San Juan a resulta Jeff Ridderstaat. Den e comperencia di baile e pareha ganador tabata Maria Ridderstaat y Jorge Ridderstaat.
Cattaleya Silvania a gana pa e wega di Ranka Bandera, mientras cu Christerson Dirksz a bai cu e premio pa e wega di Mate Gai. E potretnan ta cortesia di Arubahuis
Pleito interno den OM di Aruba, posibel motibo cu caso Holloway no a keda soluciona
DEN HAAG – Un disputa den seno di Ministerio Publico na Aruba por ta un di e motibonan pakico e desaparicion di 2005 di e studiante Mericano Natalee Holloway nunca a wordo soluciona. Asina e portal Dossierkoninkrijksrelaties ta raporta diamars. E portal menciona ta deduci esaki for di documentonan publica awe door di Ministerio di Relacionnan Exterior despues di un apelacion riba e Ley di Gobierno Habri, den cual cuerpo policial Arubano tambe ta haya un dressing down.
Famia Real a celebra Dia di Rey na Doetinchem
DOETINCHEM - Famia Real a celebra Dia di Rey na Doetinchem diasabra. Tabatin hopi deportividad, musica y weganan e aña aki riba Dia di Rey na Doetinchem. Debi cu e fecha ta cay riba un diadomingo, , e cumpleaños di e rey a wordocelebra un dia prome e aña aki. E programa tambe a cuminsa un ora mas laat cu normal debi na entiero di Papa Francisco.
Na Hulanda mas di 3 mil hende a haya condecoracion real awe
AMSTERDAM - E actriz y lirico Belinda Meuldijk, e periodista Saskia Belleman y e autor di thriller Willem Hogendoorn (miho conoci cu su pseudonimo Tomas Ross) ta tres di e 3.427 personanan cu a ricibi un medaya awe. Tur aña, riba e dia prome cu Dia di Rey, e awasero di cinta (lintjesregen) tradicionalmente ta tuma lugar. Riba e dia ey, ta honra personanan cu a duna un aporte excepcional na sosiedad den nan trabou of como boluntario. Manera ta kustumber, mayoria di e individuonan condecora a boluntario na nivel local. E aña aki e ta regarda mas di 3.300 persona.
Na Hulanda pronto lo exigi nummerplaat pa e-steps por subi caya
DEN HAAG - Minister di Infrastructura Madlener (PVV) ta premira cu brommernan electrico y e-steps lo wordo permiti riba camindanan publico “a corto plazo”, el a bisa den un entrevista cu De Telegraaf.
Szabó ta subi interes pa Aruba entrante 1 di mei proximo!
DEN HAAG – Entrante 1 di mei Hulanda lo aumenta e interes cu Aruba mester paga riba su corona lening pendiente di 5.1% pa 6.9%.
Van Haasen: Exonera islanan hulandes den Caribe di impuesto riba buelo
ORANJESTAD / WILLEMSTAD - Ministerionan di Finansa i Infrastruktura di Hulanda ta esnan cu ta trahando riba un analisis di e diferente formanan di diferencianan di e impuesto cu Hulanda ke impone riba buelonan riba distansia largo (“vliegbelasting”). Asina secretario di estado, Zsolt Szabó a contesta pregunta di parlamentario pa PVV, Peter van Haasen cu ta di opinion cu Hulanda mester exonera e islanan Hulandes den Caribe for di e impuesto aki.
Follow NoticiaCla
