PVV no ta garantisa continuacion di maneho di van Huffelen pa cu asuntonan di Reino

Posted on 06/14/2024 9:31 am AST | Updated on 06/14/2024 9:32 am AST

WILLEMSTAD - Awor ku ta partido PVV ta bai nombra e sekretario di estado nobo pa Relashonnan den Reino un bientu di kambio lo supla den e departamento i den e partinan di Reino den Karibe, tantu na Islanan Ariba (“bovenwindse eilanden”) komo Islanan ABC (“benedenwindse eilanden”). Asina parlamentario pa PVV Peter van Haasen a bisa durante reunion di komishon fiho di Tweede Kamer Hulandes ku sekretario di estado Alexandra van Huffelen.

Riba preguntanan di parlamentario pa Groen Links/PvdA, Raoul White relashoná ku e ponensia aki Haasen a bisa ku e ta sinti falta di informashon miéntras ta trahando maneho. Na su opinion por hiba krenwá yen di plaka pa e islanan den Karibe, pero ku tin sufisiente informashon sufisiente pa e maneho ku ke hiba, esaki lo ta tiramentu di plaka afó.

White a sigui puntra riba e ponensianan di Van Haasen i si e siguiente sekretario di estado di PVV lo kontinuá ku e maneho ku Van Huffelen ta laga atras. Riba esaki Van Haasen a bisa ku e no por garantisá ku e sekretario di estado lo sigui e maneho ku ta hibando aworakí bou di Van Huffelen, pero ku ta e sekretario di estado nobo mes lo mester determiná ki maneho e ta bai hiba.

Djárason tabata posiblemente e último debate ku e komishon di relashonnan den Reino di Tweede Kamer a hiba ku Van Huffelen mirando e proseso di formashon di un gobièrnu nobo ta den su fase final. Manera anunsiá djamars último PVV lo ta e partido ku den e koalishon di PVV,VVD, NSC i BBB lo nombra e sekretario di estado nobo enkargá ku Relashonnan den Reino i Digitalisashon.

E nòmber ku mas ta bai rònt pa okupá e funshon aki ta Zsolt Szabó. Szabó tabata miembro di Tweede Kamer pa VVD di 2003 pa 2006 durante gabinete Balkenende II i tabata bosero di e frakshon riba tópiko di ICT. Komo minister enkargá ku Asuntunan di Interior i Relashonnan den Reino ta menshoná ku partido NSC lo nombra Judith Uitermark.

Van Huffelen den e debate a para ketu na su añanan komo sekretario di estado i a bisa ku e ta orguyoso di loke a logra a base di drecha relashonnan ku partnernan den Reino. A papia hopi ku otro riba futuro di e relashonnan den Reino i lasonan históriko ku e paisnan tin ku otro.

“Tambe a wak kon por usa e mihó relashonnan pa traha palabrashon ku otro riba relashonnan finansiero i di gobernashon.” Van Huffelen ta bisa ku e ta orguyoso ku a dal pasonan positivo den e kuadro aki ku tantu e islanan BES komo e paisnan den Karibe kaminda a firma un areglo mutuo pa implementá reformanan.

Relashoná ku e reformanan aki Van Huffelen ta di opinion ku a dal pasonan pa drecha e situashon di maneho finansiero, edukashon, kuido médiko, servisio públiko i hasi palabrashon riba kompania di seguro ENNIA, ounke ku tin hopi trabou pa tuma lugá ainda. Tambe e sekretario di estado el a para ketu na rehabilitashon di Tula i e despensa ku Hulanda a pidi pa su ròl den negoshi di sklabitut loke a kontribuí na mihó lasonan di koperashon i kon pa sigui hasi e lasonan aki mas estrecho den futuro. NOTA: Texto ta scirbi den Papiamento fonetico di Corsou.

Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
Mas Hulanda
Lesa Mas
KLM ta spera mas cancelacion debi na mantencion di su avionan tipo Boeing 787
SCHIPHOL - KLM ta premira di tin cu cancela varios vuelo den e proximo simannan cu lo wordo opera cu un Boeing 787. Segun un vocero, esaki lo por encera algun vuelo pa dia, pero e compania no por duna cifranan exacto. Esaki ta wordo evalua riba un base diario.
Mas Hulanda
Lesa Mas
Hulanda a recorda victimanan di e Segundo Guera mundial, riba Dam
AMSTERDAM - Pa 8 or di diadomingo anochi ora di Hulanda, un Dam Square casi yen na Amsterdam a observa dos minuut di silencio pa e victimanan di e Segundo Guera Mundial y otro conflictonan arma den cua Hulanda tabata enbolbí. E ceremonia a pasa sin incidentenan grandi.
Mas Hulanda
Lesa Mas
Trump ta menasa di boycotea e cumbre di OTAN na Den Haag si paisnan ignora su yamada
AMSTERDAM – Gobierno Mericano ta poniendo mas presion diplomatico riba Alemania y otro partnernan Europeo pa aumenta significativamente e presupuesto di defensa. Si esey no sosode, presidente Donald Trump di e poderoso militarmente Merca por boicotea e cumbre di OTAN na Den Haag otro luna. Esaki ta loke Der Spiegel ta skirbi. Cu Washington mester hisa e normanan di OTAN a wordo haci cla pa hopi tempo pa Trump. Tambe den su prome mandato, ora el a critica varios lider di gobierno, incluyendo e canciyer di Alemania Angela Merkel, pa loke el a mira como un presupuesto di defensa insuficiente y pa sigui depende riba e mericanonan.
Mas Hulanda
Lesa Mas
Homber tira mata riba terasa di hotel na Rijswijk, Hulanda
RIJSWIJK - Un homber a wordo tira mata riba e terasa di un hotel na Rijswijk (Sur di Hulanda) poco prome cu 6 p.m diahuebs ora di Hulanda. E doño di e hotel a bisa Omroep West cu e victima a wordo tira di cerca. Esaki a keda captura riba imagennan di camara. “Bo ta mira un homber ta acerca sin tapa cara, ta tira y despues ta core bay,” e doño di e hotl a bisa.
Mas Hulanda
Lesa Mas
Pleito interno den OM di Aruba, posibel motibo cu caso Holloway no a keda soluciona
DEN HAAG – Un disputa den seno di Ministerio Publico na Aruba por ta un di e motibonan pakico e desaparicion di 2005 di e studiante Mericano Natalee Holloway nunca a wordo soluciona. Asina e portal Dossierkoninkrijksrelaties ta raporta diamars. E portal menciona ta deduci esaki for di documentonan publica awe door di Ministerio di Relacionnan Exterior despues di un apelacion riba e Ley di Gobierno Habri, den cual cuerpo policial Arubano tambe ta haya un dressing down.
Mas Hulanda
Lesa Mas