Figaroa (PDP) kier introduci sindicato nacional pa studiantenan na Aruba

Figaroa (PDP) kier introduci sindicato nacional pa studiantenan na Aruba

Posted on 06/13/2024 10:02 am AST | Updated on 06/13/2024 10:03 am AST

ORANJESTAD – Leonardo Figaroa, lider di partido PDP, kier introduci un sindicato nacional pa studiantenan di ARuba. Segun Figaroa, un di e puntonan importante pa su partido ta pa introduci mas protecion pa e studiante. “Si nos realisa cu docentenan no lo por duna les den un klas bashi, nos ta comprende cu e studiante tambe tin un posicion crucial den nos systema di education. Pa hopi decadasnan politiconan cu tabatanan yiu tabata bisa cu nan ta bay traha riba e mehoracion di e posicion di e derecho di e studiante” Figaroa ta bisa.

Pa e motibo aki tin algun tema cu e ta sinti cu tin cu papia ariba dje y   cu tin cu realisa cu si bay keda cu e systema di education aki nos lo percura cu studiantenan no lo ta prepara pa e futuro.

STUDIANTENAN MESTER MAS PROTECCION

“ Si mi scucha mi coleganan studiante di otro school mi por conclui un cos. Hopi biaha ta trapa riba e derecho di studiante, esaki debi na e hecho cu tin un percepcion cu pasobra e maestro ta den un posicion di poder, debi cu e tin cu duna les pero tambe duna un cifra, esaki kermen e studiante ta depende di dje, hopi biaha tin abuso di poder ta tuma lugar” Figaroa ta sigui bisa. Segun e lider politico hoben, studiantenan ta wordo perhudica, nan ta wordo gepest tin ora djis paso e docente no gusta e studiante. “Mi no kier generalisa pero si mi a sinta cu algun studiante cu a contami nan experencia. Esaki ta e motibo cu mi a realisa nos mester introduci maneho y ley pa proteha studiantenan na momento cu nan haya nan mes den un situacion unda cu nan no sa con pa bringa nan caso of pleita pa nan derechonan”. Segun Figaroa, e ta importante pa nos introduci un sindicato manera tin na Hulanda, esta un Landelijke Studenten Bond. Como sindicato, studiantenan lo por semper tin un bos pa representanan na momento cu mester dicidi riba puntonan importante cu ta afecta studiantenan futuro. Segundamente, hopi biaha studiante no ta mira e importante pa por lesa e reglamento, pero na momento cu tin algo a bay robes, e school ta tuma tur medida y e studiante no ta na altura di tur su derechonan y ki paso e mester tuma pa por defende su mes.

“Debi na e puntonan aki mi ta wak e importancia pa pusha pa crea un asociacion cu tin como meta pa representa e interes di studiante na e nivel internacional. Esaki ta importante paso nos por garantisa cu cada studiante tin un representante cu lo por defende e derechonan di studiante”.

INTRODUCCION DI UN JEUGDONTWIKKELING FONDS

Un otro parti importante di e vision cu nos tin ta pa crea un fondo pa stimula e desaroyo di hobenan. Un jeugdontwikkeling fonds cu nos kier introduci ta pa yuda e hoben den 3 aspecto importante.

1. Nos kier haci mas accesibel pa hobennan por forma parti di un naschoolse opvang traject cu ta importante pa yuda hobenan cu nan mayornan no tin fondo pa asina por cubri e gastonan aki.

a. E plan ambicioso aki tambe ta forma parti di nos plan social unda cu e ta importante pa activa tur e centro di barionan como e punto di reunion pa pueblo.

2. E inversion ta rekeri tambe pa por stimula hobennan cu pa un of otro motibo a stop school pa nan por haya un START-budget pa por caba nan school.

PDP su Plan financiero ta logra 68% di e norma di 6 di e GDP segun Nacionan Uni riba inversion den Education

Segundamente, e ta pas den nos plan pa inverti den e sociaal bestaanszekerheid pakket cu lo ta costando pais ariba un totaal di 248 miyon den e siguiente periodo di gobernacion. E fondo di desaroyo ta un totaal di 75 miyon cu nos kier pusha pa por inverti den e hoben. Sin conta e totaal di 25 miyon cu nos lo kier traha conhuntamente cu Qredits pa asina stimula e hoben empresarial cu tin deseo di cuminsa su negoshi. Totaal di e fondo lo ta 100 miyon florin cu nos lo kier inverti den e hoben. E ta importante pa nos realisa cu hobennan studiante ta e futuro di e pilar economico nobo. Esaki kermen cu nos mester por inverti den e futuro pa crea mas oportunidad.

  • Minister ta pidi studiantenan aplica pa vivienda na Hulanda 2 aña prome

    Minister ta pidi studiantenan aplica pa vivienda na Hulanda 2 aña prome

    ORANJESTAD – Studiantenan na Aruba mester cuminsa aplica pa vivienda na Hulanda, 2 aña prome cu nan caba nan scol na Aruba. Asina minister di enseñansa Endy Croes a bisa diaranson.  Recientemente, Minister Croes a elabora riba e situacion di e studiantenan na Hulanda y con ta trahando pa mehora cada aspecto di esaki. E mandatario di Enseñansa a indica cu desde aña pasa el a inicia cu un programa specialmente pa e studiantenan cu ta ta bay Hulanda. A organisa un anochi informativo en conexion cu vivienda pa e alumnonan di examenklas di Colegio Arubano, Colegio Nigel Matthew y Educacion Profesional Intermedio (E.P.I.) na The Movies IMAX na Gloria. Tambe durante e anochi informativo aki, ta informa e alumnonan tocante maneho di presupuesto. Na Aruba tabatin e custumber di aplica pa vivienda na Hulanda algun luna prome. Ta necesario pa e studiantenan aplica minimo un aña prome.

  • Premier Wever: Respeta decision di Hoge Raad riba matrimonio di mesun sexo na Aruba

    Premier Wever: Respeta decision di Hoge Raad riba matrimonio di mesun sexo na Aruba

    ORANJESTAD – Premier Wever Croes dialuna a pidi pa tur hende respeta e decision di Hoge Raad pa permiti matrimonio di mesun sexo na Aruba. Mester bisa cu un dia despues, un parlamentario independiente a pidi juist lo contrario, esta pa bringa e decision aki. 

  • Parlamentario independiente kier pa anula e matrimonio homosexual di Hof y Hoge Raad

    Parlamentario independiente kier pa anula e matrimonio homosexual di Hof y Hoge Raad

    ORANJESTAD – Parlamentario independiente Rycond Santos do Nascimento, kier pa anula e matrimonio homosexual di Hof y Hoge Raad. Segun e parlamentario, awo mas cu nunca nos mester lucha pa nos norma y balornan tradicional. Nos mester combati e forsanan cu kier destrui matrimonio. E realidad ta cu Corte Supremo (Hoge Raad) a demostra su cara activista cu su decision di dia 12 di juli 2024 ultimo. Mescos cu Hof a demostra di ta activista cu su veredicto di dia 6 di december 2022. Un activista ta un persona cu ta milita pa un cambio den un area politico-social. “Pero, esey no ta tarea di hues. E stoel di hues ta tras di mesa berde, su stoel no ta den parlamento. Tarea di hues no ta pa traha ley, sino pa aplica ley”.

  • Gobierno di Aruba a Kick-Off e estudio riba economia di Aruba hunto cu Hulanda

    Gobierno di Aruba a Kick-Off e estudio riba economia di Aruba hunto cu Hulanda

    ORANJESTAD - Riba dialuna, 15 di juli, Minister di Asuntonan Economico mr. Geoffrey Wever, a reuni digitalmente cu Professor Roger Hosein di University of West Indies na Trinidad y Tobago. Meta di e reunion aki ta pa oficialmente start un estudio macro-economico pa Aruba. Hulanda ta financia e investigacion aki cu tin un costo di 25 mil Dollar.

  • ‘Gobierno lo cumpli cu veredicto di Hoge Raad’ riba matrimonio di mesun sexo

    ‘Gobierno lo cumpli cu veredicto di Hoge Raad’ riba matrimonio di mesun sexo

    ORANJESTAD – E prome reaccion di gobierno di Aruba riba e sentencia di Corte Supremo riba matrimonio di pareha di mesun sexo ta conoci. “Gobierno di Aruba lo cumpli cu veredicto di Hoge Raad” tabata e prome reaccion. E realidad ta cu gobierno no tabatin otro alternativa mas ya cu Corte Supremo (Cassacion) ta e ultimo instrumento legal pa bringa un sentencia. Cu e sentencia aki, gobierno ta obliga awor pa traha un ley cu ta permiti matrimonio di mesun sexo. Awe mainta Gobierno a confirma cu e veredicto di Hoge Raad, matrimonio pa parehanan di mesun sexo ta bira posibel na Aruba, na e mesun forma cu matrimonio di parehanan di sexo opuesto. 

  • Propuesta di e maneho nobo di e unidadnan di cacho di gobierno (K9) entrega na gobierno

    Propuesta di e maneho nobo di e unidadnan di cacho di gobierno (K9) entrega na gobierno

    ORANJESTAD – Diahuebs 11 di juli, Prome Minister Evelyn Wever-Croes a reuni cu DRH y representantenan di Aduana, KIA y Cuerpo Policial referente e K9 Unit di Gobierno di Aruba.

  • Varadero
  • Powered by SETAR