- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Zoë Konijn di Luna Foundation riba sentencia contra Groeneveldt pa abuso di cacho:”Justice was served”
ORANJESTAD – “Justice was served”, tabata e prome reaccion di presidente di Luna Foundation, Zoë Konijn, pa Noticiacla despues di a tende e sentencia contra e ciudadano A. Groeneveldt pa a maltrata su cacho, cu despues a fayece. Konijn tabata presente tambe den corte durante e tratamento di e caso. “E la haya su taakstraf. E tin cu paga un boet. Si nan lo a haci vrijspraak, it would have been worse”, Konijn a sigui bisa. E la haya un castigo. E no ta mustra cu e tin remorse. Pues e mester a haya un tipo di castigo, pa hende wak cu un maltrato severo asina no ta bay zomaar.
CULPA LUNA FOUNDATION
Durante e caso, dado momento como defensa di Groeneveldt, e abogado Desiree Croes a tira culpa tambe riba Luna Foundation cu e no a responde na tempo na e yamada di auxilio na januari ultimo di su cliente. Noticiacla a puntra Konijn pa su reaccion, mirando cu e tabata sinta den e sala y tambe a tende e reclamo aki den su direccion. “Paso nos tin cu reacciona y salba tur cacho na Aruba?” Konijn a cuminsa bisa. Segun e presidente di e fundacion cu ta rescata bestia, e ta admiti cu a haya un mensahe di Groeneveldt. “E la pidi nos pa yude cu tres puppy. Nada di Khaleesi y su baby nan. E la pidi ayudo pa su tres cachonan. Si e lo a mustra e message full, den e message tin scirbi,: Zorg bo alimenta bo mascotanan, duna nan nextguard, manda Luna potret di nan, y nos ta post nan pabo” Konijn a cuminsa na bisa, indicando cu Groeneveldt no a comparti e message completo cu su abogado y asina a duna un bista eroneo di e situacion. “Nos tereno tin 150 cacho. Mi no por tuma di tur hende. Pero mi por yudabo haya doño pa nan. Eynan e no a reacciona mas” Konijn a sigui bisa. Y awor toch Konijn tin nan, y e cachonan tin miedo di tur cos. Pues e reclamo di e abogado cu Luna Foundation no a reacciona, no ta cuadra tampoco. “Nos a reacciona. E mester mustra su abogado full (e message). Hasta ora cu Khaleesi a fayece, nos tabata combersa cu otro ainda. Pues cu nos no a reacciona, that’s not true!”.
MUCHO MAS CASO
E la reacciona tambe riba e ponencia di e abogado cu ta riba Khaleesi so ta papia, siendo cu tin mucho mas cacho cu ta wordo maltrata. “Mi no por reacciona riba tur. Tin tanto maltrato riba e isla. What am I? Mother Theresa? Mi tin cu bay tras di nan tur?”, e ta sigui puntra. E ta sigura cu nan a entrega keho contra maltrato di otro cacho na polis tambe, pero e caso aki tabata severo. Tur loke ta pasando, nan por ta tur caminda y no ta pa nan pa yuda tur cacho cu tin problema.
Gobierno a gana caso contra Amsterdam Manor Resort y AWSS pa asunto di RWZI
ORANJESTAD – Gobierno pa medio di su abogado mr David Kock a gana su caso contra tanto Amsterdam Manor como e compania nobo cu ta encarga cu trabou na e Riool Water Zuiver Instalatie (RWZI) na Bubali, esta Aruba Wastewater Sustainable Solutions NV (AWSS) cu ta nifica cu e no mester paga multa pa incumplimento di trabounan necesario pa limita e mal holor di awa sushi na e hotel y area. Pa loke ta e multa, esaki ta di riba 1.5 miyon florin incuri, segun e hotel en cuestion. . . Pero durante e caso, a bira cla cu gobierno no por wordo teni responsabel pa tur e loke cu e hotel ta alega, y cu como tal a sea cumpli of ta cumpliendo cu e peticion conforme un ssentencia di dia 8 di mei 2024, unda cu gobierno a haya un set di medida pa implementa, pa remedia e situacion di mal holo a consecuencia di e fayo na RWZI. Huez a bay di acuerdo cu e ponencia di gobierno, y a dicta cu mesora, e multanan no por wordo cobra. Ademas, en caso gobierno viola e acuerdo nobo, cu e multa cu e hotel por eventualmente cobra, ta un maximo di 330.000 florin envez di e 5 miyon impone, y por wordo cobra un biaha so.
Besaril: A tir’e bou di bus mientras otro, acusa di mesun cos ta haya otro trato
ORANJESTAD – No obstante cu e lo haya su chens ora cu Corte trata e caso penal Tulipan integralmente proximamente, y a bisa tambe diaranson mainta di lo haci esaki na su debido momento, ex minister plenipotenciario Guilfred Besaril a comparti su pensamento den corte durante e asina yama ‘Regie-Zitting’. Segun Besaril, e base di su caso mester ta basa riba igualdad di trato, y e maneho presupuestario hiba durante su periodo como minister na Hulanda.
OM: Ex minister Besaril sospecha di malversa hopi placa di gobierno
ORANJESTAD – Diaranson mainta, Ministerio Publico a presenta e cargonan contra sospechoso principal di e caso Tulipan, Guilfred Besaril y Glenn Ling, durante tratamento di e caso ‘pro forma’. Mayoria di e cargonan ta relata na malversacion di fondo, usando tarjeta di credito di gobierno, cu cual lo a cumpra cosnan personal. Ademas a malusa nan respectivo funcion.
Corte a limita cantidad di testigo cu defensa kier a scucha ainda den caso Tulipan
ORANJESTAD – Huez diaranson mainta a limita e cantidad di testigo cu defensa den caso penal Tulipan a pidi pa scucha ainda of atrobe. E la permiti ‘apenas’ 4 di e 10 nombernan someti diaranson mainta. E caso ta envolvi e.o. ex minister plenipotenciario Guilfred Besaril y ex director suplente di Arubahuis sr Ling cu ta wordo acusa di e.o. estafa, y malversacion di fondo publico. E caso diaranson tabata mas bien un ‘regiezitting’ pa determina e progreso di e investigacion y caso.
Barco di guera Hulandes ta intercepta por lo menos 500 kilo di cocaina den laman Caribe
MIAMI - E Barku di Marina Hulandes Zr.Ms. Groningen riba dianan 13 i 25 di Febrüari a interseptá dos transporte di droga den Laman Karibe. Zr.Ms. Groningen durante su ronda di patruyahe a keda informá di parti di un avion di patruyahe Merikano, tokante e dos ‘go-fast’ nan. Ku e boto rápido di intersepshon, FRISC, ku tabatin na bordo un ekipo kombiná di e tripulashon di e barku di Wardakosta Merikano, ku a subi na bordo di Zr.Ms. Groningen, i esakinan a persiguí e botonan go-fast. E promé go-fast a sabi di skapa, pero den esaki si a logra tira su kontrabanda den laman, ku den e kaso aki e FRISC a saka for di laman.
Ex minister Besaril mester presenta dilanti mesa berde diaranson pa caso Tulipan
ORANJESTAD – Diaranson mainta awor, ex minister plenipotenciario Guilfred Besaril hunto cu e ex director di Aruba Huis mester presenta dilanti mesa berde pa responsabilisa nan mes pa e cargonan cu tin contra nan. Ademas, Besaril mester presenta pa un caso di expropiacion, esta pagamento bek di un suma cuantioso na gobierno di Aruba. Conforme e agenda di corte (rol), caso ta riba rol di corte pa cuminsa 8’or y mei di mainta. A compronde tambe cu e tratamento lo ta mas bien un regie zitting, esta ‘solamente’ atende di forma cu huez por haya un actualisacion di kico falta ainda prome cu e caso mes tuma lugar. Lo puntra p.e. si mester mas informacion, documento, interogacion di testigo etc. Y e ora huez lo mas sigur pone un fecha mas pa wak si tur cos ta cla y despues stipula un fecha pa e caso tuma lugar. Por bien ta cu diaranson mes, dependiendo con e caso ta bay, cu huez por postula un fecha pa e caso bin dilanti. Ta premira cu e caso por tuma lugar net prome of despues di zomer recess ainda e aña aki.
Follow NoticiaCla
