Croes: Baymento di coriente diario na Aruba ta algo abnormal e inaceptabel!

Croes: Baymento di coriente diario na Aruba ta algo abnormal e inaceptabel!

Posted on 05/15/2024 7:02 pm AST | Updated on 05/15/2024 7:04 pm AST

ORANJESTAD – Baymento di coriente diario ta algo abnormal e inaceptabel. Asina minister encarga cu e companianan di utilidad Glenbert Croes a bisa diaranson atardi laat den un conferencia di prensa.  Despues di casi tres siman di interupcion di coriente,   Croes a duna cara den un conferencia di prensa riba e tema. A reuni cu tur e empresanan encarga pa asina haya instruccion pa fasttrack e programa di mantencion, y tin aprobacion di gobierno. Tambe kier sa kico e problemanan cu coriente ta bayendo practicamente tur dia. Kier sigura cu pueblo no ta bay sufri mas. Y ademas e ta compronde e rabia y disgusto di e pueblo riba e situacion. 

INSTRUCCION

A instrui un grupo di investigacion y a actua. A pone confiansa den MPR pa drecha WEB cu a sosode, y awor e problema ta na ELMAR. A duna un siman di tempo pa remedia e problemanan, como tal diahuebs ta yega un ekipo di Merca pa haci investigacion atrobe, e biaha aki riba ELMAR. “Nos ta confia cu ELMAR lo responde pa hunto nos actua” Croes a bisa.

DAÑO HACI Y COMPENSACION FINANCIERO

Ora cu coriente bay, daño ta wordo haci na ekipo y hende. E minister ta trahando riba un plan di compensacion pa pueblo, y ta bay atende esaki cu conseho di minister riba e tema. No por ta asina cu ta calma pueblo cu excusa y un splicacion so, sino cu e mester sosode cu un compensacion financiero tambe. No a bisa si di unda ta bay saca e placa pa esaki keda soluciona en realidad. 

UN SIMAN

E minister a duna e compania un siman pa bin cu solucionan pa evita e problema di coriente. 

  • Varadero
  • Alpina
  • Powered by SETAR