Wever recordando 15 aña den politica: “E 6 aña y mei tras di lomba no tabata facil!

ORANJESTAD – Actual prome minister di Aruba Evelyn Wever Croes, diamars mainta a admiti cu e ultimo 6 aña y mei tras di lomba no tabata facil!. E ta bisa esaki den cuadro di e hecho cu e la cumpli 15 aña den politica dialuna ultimo 13 di mei. “Dia 13 mei 2009 lider di MEP Nel Oduber a presentami como candidato riba e lista di MEP. Un dia hopi particular. Un decision sigur no facil, sacrificando mi carera, y privacidad dimi y di mi famia” e ta bisa. “E  6 aña y mey tras di lomba no tabata facil, pero danki na e sosten y cariño di asina tanto hende, mi por mira atras riba experiencianan hopi bunita pa Aruba” e ta sigui bisa. BON DECISION

E ta sigura cu e paso pa drenta politica, tabata e bon decision y pe ta un honor hopi grandi di por lidera es partido y Aruba pa di dos biaha. 

“ Mirando dilanti, mi ta pidi Dios yudami pa traha pa henter humanidad, pa logra e progreso y bienestar cu Aruba tanto ta anhela” e ta finalisa bisando riba su pagina di Facebook.