Segun Elmar, blaas di helium atrobe awe a causa interupcion di coriente na varios bario di Aruba

ORANJESTAD – Un biaha mas, un blaas di helium, tabata e causa di un interupcion di coriente awe tardi pa 5:44 pm. Ta trata di e barionan di    Sabana Blanco,Primavera,Paradera,Rooi Afo y vecindario. Na momento cu e techniconan di Elmar a yega,  a cuminsa traha mesora riba identificacion di e causa cu a ocasiona e storing aki .A bin descubri cu e causa di e storing aki tawata un blaas di helium. Pa 6:30 pm awe tardi ELMAR a logra restablece coriente pa tur e areanan afecta.

CONCIENTISACION

Elmar a bisa di kier a consientisa pueblo cu e blaas di helium ta traha di un material di aluminium. Aluminium ta un metal conductivo, na momento cu blaas aki jega den contacto cu nos linjanan di coriente , esaki ta ocasiona un corto circuito. Laga nos tur sea mas conciente ora di uza blasnan di helium y purba pa no laganan bula bai. “ Nos ta gradici tur nos techniconan cu a actua imediatamente pa resolve e storing di awe tarde. Nos disculpa pa e inconvenencia cu e storing aki por a ocasiona” Elmar a finalisa bisando den su comunicado. NOTA: E potret cu ta compaña e articulo ta un imagen generico di un situacion similar, y no ta di e caso specifico aki cu Elmar ta referi na dje.