Parlamento a cuminsa trata ley di matrimonio di mesun sexo mas laat y cu schorsing

ORANJESTAD – E reunion di Parlamento pa trata e concepto di ley riba matrimonio di mesun sexo a inicia awe mainta, un ora mas laat cu programa. Esaki debi cu partido MEP a pidi un schorsing na inicio. A resulta despues cu a dicidi cu ta cambia e reglanan unda cu esnan cu ta abstene di vota, por keda sinta den sala y ta conta como esnan cu a vota. E regla normal ta cu si bo no tey vota, bo mester bandona sala. Awor bo por keda den sala dus e cantidad di voto voor mester ta mas halto. Algo cu algun miembro di oposicion a critica ya cu esaki ta cay na nan desbentaha. 

HOPI ANTICIPACION. 

E reunion a cuminsa cu prome orador, parlamentario independente Ryçon Santos do Nascimento, bisando cu e ta bay vota contra e ley, y a splica e motibo pakico. Entre nan, cu e curpa di hende muher ta traha pa carga un bida, y cu e sistema di bida no ta pa cambio manera cu e ley nobo aki ta sugeri. 

ANTICIPACION

 Tin hopi anticipacion pa e resultado di e reunion aki, ya cu esaki por determina un cambio basta drastico pa un grupo di persona. Si Parlamento aproba e ley, e ta habri caminda pa parehanan di mesun sexo por casa cu otro na Aruba mes. Esaki ta un noticia den proceso.