Cinco fundacion ta uni  diaranson awo na MFA Noord den encuentro 'Nos t'ey pabo'

Cinco fundacion ta uni diaranson awo na MFA Noord den encuentro 'Nos t'ey pabo'

Posted on 02/20/2024 10:12 am AST | Updated on 02/20/2024 11:12 am AST

ORANJESTAD - Diaranson awo dia 21 di februari 5 fundacion ta uni un bes mas pa trece informacion riba e topico di cancer. E 5 fundacionnan ta ofrece y invita pueblo di Aruba pa participa hunto den un charla informativo diaraanson awor. 'Nos t'ey pabo' ta un serie di charla organisa den diferente bario pa asina trece tur informacion cu bo ta desea, mas cerca di bo. E 5 fundacionnan a uni pa conscientisa comunidad. No solamente tocante nos servicionan individualmente pero tambe pa den unión nos por t'ey pa otro.

Koningin Wilhelmina Fonds - Fundacion Contra Cancer di Prostaat - Mary Joan Foundation - BOB Aruba y Fundacion Coresa ta traha hunto pa den e forma aki por continua duna informacion, conscientisa y tambe duna hermentnan cu por wordo aplica na cas. E fundacionnan aki ta enfoca diariamente riba prevención.

Bin scucha ki servicionan tin pa bo persona of pa un familiar of un amistad.

E charlanan: " Nos t'ey pa bo" ta gratis y no mester registra. Loke si nos ta pidi pa tur hende yega na tempo. Porta ta habri 6:30 pm y nos ta cuminsa 7pm. Nos proximo charla ta Diaranson 21 di Februari 2024 na MFA Noord y esaki lo ta e penultimo charla di e serie di charla aki. E proximo charla lo ta diaranson 20 Maart 2024 den bario di Dakota. 

Cada charla lo finalisa cu un bunita testimonio y nos lo culmina e anochi cu un sorpresa chikito. Nos ta invita pueblo di Aruba pa join un di e charlanan aki, kisas esun mas cerca di bo cas. Sin lubida nos kier urgi nos hendenan pa nan traha nan cita pa e checkeonan de salud. No warda, traha bo cita paso nos salud ta cuminsa den nos mes man.

  • Video: Con a yega na titulo di documentario ‘I can’t be moe’ ?

     Video: Con a yega na titulo di documentario  ‘I can’t be moe’ ?

    ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada. 

  • Carlos Bislip cu concierto gratis di JAM riba Dia Mundial di Jazz

    Carlos Bislip cu concierto gratis di  JAM riba Dia Mundial di Jazz

    ORANJESTAD  – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion. 

  • Aruba One Happy Island Lions Club y Friends of Lions a yuda mas di 500 personaden necesidad

    Aruba One Happy Island Lions Club y Friends of Lions a yuda mas di 500 personaden necesidad

    ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad. 

  • Conocido musico Ivan Jansen reconoci pa su ’contribucion na herencia cultural di Aruba’

    Conocido musico Ivan Jansen reconoci pa su ’contribucion na herencia cultural di Aruba’

    ORANJESTAD - Diaranson anochi na Cas di Cultura, Minister Maduro di   den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba.  Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.  

  • Conocido ciudadano Alice van Romondt ta enfoke principal di un documentario nobo

    Conocido ciudadano Alice van Romondt ta enfoke principal di un documentario nobo

    ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki.  E documentario, titula  “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM. 

  • Botica di Servicio ta Celebra 5 Aña den Servicio di Anoeska Wever y Dennis Diaz

    Botica di Servicio ta Celebra 5 Aña den Servicio di Anoeska Wever y Dennis Diaz

    (ADVERTORIAL)

  • Powered by SETAR