Festival Un Canto pa Aruba su Himno y Bandera Infantil - Hubenil 2024 ta otro luna!

Posted on 02/20/2024 10:10 am AST | Updated on 02/20/2024 10:11 am AST

ORANJESTAD - Comision Promove Cultura a anuncia cu Festival Un Canto pa Aruba su Himno y Bandera Infantil Hubenil 2024 ta tuma luga diasabra 2 di maart 2024! Festival su inscripcion ta cera diadomingo 25 di februari 2024, y trekmento di lot ta tuma luga 27 di februari 2024 pa 3:30 PM. 

Ta anticipando un participacion di 10 agrupacion musical y 30 participante pa e di 21 edicion e biaha aki. Tin 4 diferente categoria, cu ta 4-6 aña, 7-9 aña, 10-12 aña, y 13-17 aña! E festival ta pa tur mucha y hoben. Festival ta consisti di diferente ritmo cu un mucha/hoben por participa cu ne, e ritmonan ta esunnan tipico, cu ta; Wals, Tumba, Mazurka, Polka, Marcha, Tambu, Danza, Bolero, Mambo Arubiano y Calypso. Inscripcion ta digital y esaki ta sosode via nos pagina di facebook: Comision Promove Cultura via un link of por tuma contacto cu nos riba nos instagram of facebook. 

Link di inscripcion: 

https://forms.gle/77oNPoPppA2iPeP68

Por inscribi solo, duo of trio manera cu a yega di participa den pasado y gana of cay den finalistanan. Comision Promove Cultura ta recorda tur mayor, lider di banda, coach, mucha/hoben pa tuma tempo pa ensaya y pa asina subi riba escenario y duna tur cu tin. Danki na tur compositor, areglista, y tur musico cu ta laga nos muchanan y hobennan briya riba escenario.

  • Video: Con a yega na titulo di documentario ‘I can’t be moe’ ?

     Video: Con a yega na titulo di documentario  ‘I can’t be moe’ ?

    ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada. 

  • Carlos Bislip cu concierto gratis di JAM riba Dia Mundial di Jazz

    Carlos Bislip cu concierto gratis di  JAM riba Dia Mundial di Jazz

    ORANJESTAD  – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion. 

  • Aruba One Happy Island Lions Club y Friends of Lions a yuda mas di 500 personaden necesidad

    Aruba One Happy Island Lions Club y Friends of Lions a yuda mas di 500 personaden necesidad

    ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad. 

  • Conocido musico Ivan Jansen reconoci pa su ’contribucion na herencia cultural di Aruba’

    Conocido musico Ivan Jansen reconoci pa su ’contribucion na herencia cultural di Aruba’

    ORANJESTAD - Diaranson anochi na Cas di Cultura, Minister Maduro di   den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba.  Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.  

  • Conocido ciudadano Alice van Romondt ta enfoke principal di un documentario nobo

    Conocido ciudadano Alice van Romondt ta enfoke principal di un documentario nobo

    ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki.  E documentario, titula  “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM. 

  • Botica di Servicio ta Celebra 5 Aña den Servicio di Anoeska Wever y Dennis Diaz

    Botica di Servicio ta Celebra 5 Aña den Servicio di Anoeska Wever y Dennis Diaz

    (ADVERTORIAL)

  • Powered by SETAR