Ex minister Besaril ta continua deteni y su interogacion tambe

ORANJESTAD – E detencion di ex minister Guilfred Besaril a keda ‘prolonga’ osea a wordo poni ‘in verzekering’ conforme e proceso di detencion diamars. Vocero di ministerio Publico Ann Angela a confirma diaranson mainta cu Besaril a keda cera den cel y cu awe ta continua cu e interogacion di dje, den e caso Tulipan den cual e ta e sospechoso principal. E ta wordo acusa di e.o. corupcion y abuso di poder como minister den funcion. Diamars landrecherche a detene e ex minister y a cuminsa mesora cu e proceso di interogacion na oficina di landsrecherche. Ora cu e tempo stipula a yega na su fin, a pasa pa encarcelacion di dje, (in verzekering stelling) pa continua cu su interogacion un dia despues, esta awe. No ta conoci si despues di awe, ta prolonga su detencion y si esey ta e caso, conforme ley, esaki ta pa 8 dia.