Wever Croes: Lo dura 17 aña pa por drecha tur caretera di Aruba

ORANJESTAD – E motibo cu no tin mas cu 10,4 miyon florin disponible pa drecha caminda e aña aki, ta cu durante pandemia, Gobierno mester a haci uzo di e placa cu tabata destina pa asfalt pa sobrevivi, y awor ta purbando di gara forsa bek. Asina minister di infrastructura Evelyn Wever Croes a bisa durante tratamento di presupuesto di DOW. E tabata un tema cu a haya hopi atencion den e presupuesto, esta e tema di careteranan cu ta den hopi mal estado.  

LO DURA 17 AÑA

Mirando e magnitud di trabou, Gobierno a traha un masterplan, con den 17 aña, tur e careteranan mester wordo drecha. Esaki ta encera trabounan hopi grandi y Aruba no tin e capacidad pa haci tur e trabou aki den poco tempo. Gobierno ta den e fase pa busca financiamento pa e masterplan aki pa despues por anuncia ki aña ta turno pa cua caretera. NOTA; e potret ta di archivo di noticiacla, solamente como ilustracion di un caminda cu ta wordo drecha na Aruba.