Training militar  anual “Barracuda Warrior” na Corsou a keda completa

Training militar anual “Barracuda Warrior” na Corsou a keda completa

Posted on 01/30/2024 9:06 am AST | Updated on 01/30/2024 9:06 am AST

WILLEMSTAD - E entrenamentu Militar anual, ku ta karga e nòmber “Barracuda Warrior”, e aña aki a tuma lugá na Kòrsou entre 15 – 29 di yanüari. E treinen a trese vários unidat di Region Karibe Hulandes huntu, entre otro e ‘Marine Squadron Carib’ di Aruba, e Destakamentu di Marina di Sint Maarten, e Peloton di Boto di Kòrsou,  ‘Compagnie in de West’ i un peloton di Militarnan di Kòrsou. Un totalidat di 185 militar a partisipá na e entrenamentu.

Meta di e ehersisio tabata pa reforsá e kolaborashon entre e diferente unidatnan, ku normalmente ta stashoná riba diferente isla.  E aktividatnan durante Barracuda Warrior entre otro ta kontené, ehersisionan di tiramentu, karedanan anfibio (tantu den dia komo mardugá), operashonnan den áreanan urbanisá, i simulashon di atakenan planiá i no-planiá.

E Militarnan di Kòrsou ku mas frekuensha ta partisipá na entrenamentunan Militar grandi, den kuadro di kontinuashon di profeshonalismo di Militarnan di Karibe Hulandes. Banda di esei e ehersisio konhunto ta ekspandé e efikasia operashonal.

Barracuda Warrior ta keda un ehersisio militar importante pa promové preparashon i koheshon di forsanan marítimo i terestre  den Region Karibe Hulandes. Esaki ta sostené  e mishon di Defensa den Region Karibe Hulandes: brinda pas i seguridat den region. NOTA: E texto ta scirbi den Papiamento fonetico di Corsou. 

  • CFT: Awor si tin un fórmula satisfaktorio pa salba Ennia

    CFT: Awor si tin un fórmula satisfaktorio pa salba Ennia

    WILLEMSTAD  – Presidente di Kolegio di Supervishon Kòrsou (Cft) sra. Lidewijde Ongering a referí ku e último biaha ku Cft tabatin un enkuentro ku prensa tabata na òktober 2023. E loke ku e presidente ke a enfatisá ta ku den e periodo di òktober 2023 pa febrüari 2024, hopi kos a sosodé i tabatin hopi trabou ku a tuma lugá pa Kòrsou. Un di nan ta e trabounan intensivo pa buska solushon pa Ennia i Ongering a splika ku e esfuersonan a pone ku a yega na un solushon positivo pa tur partido.

  • Na Corsou grupo Corendon a cumpra The Ritz Village den Skalo

    Na Corsou grupo Corendon a cumpra The Ritz Village den Skalo

    WILLEMSTAD - Grupo Corendon realmente tin plannan grandi i serio pa ankra nan mes i marka e nòmber Corendon pa semper riba e isla aki. Corendon ta un kompania grandi, i aki na Kòrsou nos ta identifik’é ku e proyekto hotelero na Otrobanda i awor tambe ku su propio kompania aéreo. Pero Grupo Corendon a disidí di drenta Skalo, i por bisa ku dos luna pasá, na prinsipio di yanüari 2024, e konsorsio a kumpra The Ritz Village den Skalo. Esei EXTRA por a komprondé di su informantenan, kual a keda konfirmá tambe pa sr. Norman Serphos, kende ta enkargá ku e parti di komunikashon na Corendon.

  • Na Corsou conocido cantante Amos Balentin a recobra su libertad temporal atrobe

    Na Corsou conocido cantante Amos Balentin a recobra su libertad temporal atrobe

    WILLEMSTAD.- Manera Extra a relatá ayera, e konosido kantante  kompositor i tumbero Amos ‘Amorreus’ Balentin (43) mester a presentá dilanti di wes komisario huntu ku su abogado Athena Sulvaran, pa wak si lo prolongá su detenshon ku 8 dia mas, òf ku e por bai kas pendiente investigashon. Despues di a evaluá e kaso, wes komisario i fiskal a bai di akuerdo pa suspendé detenshon di Balentin bou di vários kondishon. Entre otro ku e ta pone su mes disponibel pa hustisia, e ta keda prohibí pa komuniká ku e dama, e ta keda prohibí pa bai na adrès di e dama i e tin ku traha reportahenan di su sirkunstansianan. Pa mantené un sospechoso será, mester tin echonan (Feiten) fuerte òf grave pero den e kaso di Balentin esei no tabata e kaso. Hopi bia den tipo di kasonan asin’aki, sea e ta keda seponé òf  ta keda tratá den e loke ta keda yamá “Hura zitting “ kaminda e sospechoso no ta bin korte. Manera ya a bira konosí, djabièrnè den oranan di mainta, Balentin mester a presentá na warda di polis, despues ku a hasi denunsia di maltrato relashonal i menasa kontra di dje. Despues di interogashon personal di reshèrshi di VVC a detené Balentin. Su detenshon a tuma lugá na warda di reshèrshi. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

  • Cantante Rocco Franken pidi pa forma parti di obra musical di Corsou ‘Tula, e heroe’

       Cantante Rocco Franken pidi pa forma parti di obra musical di Corsou ‘Tula, e heroe’

    ORANJESTAD – E conocido musico y cantante di e banda Buleria, Rocco Franken, ta bay forma parti di e obra musical ‘Tula, e heroe’ na Corsou. E mes a confirma esaki den fin di siman na Noticiacla, y ta mustra cu e ta hopi contento cu e honor aki. “Mi ta bai ta parti di e Musical titula "Tula, e hèroe" unda mi lo hunga e rol di Caspar Lodewijk Van Uytrecht cual tabata e shon di plantacion KENEPA” Franken a sigui bisa e portal aki. E ta un obra scirbi pa Mercèe Doran y dirigi pa Danny Yangaunda cu fuera di Rocco, tin Luis Moka di Boneiro tambe  y Rey di tumba saliente di Curaçao Adjatey. No ta conoci ki dia e obra aki ta tuma lugar si. Keda pendiente pa e informacion aki. Franken ta considera esaki un honor grandi, pa ta invita pa presenta den un obra asina importante te na Corsou y cu ta pidi un Arubiano pa ta parti di e elenco. 

  • Awe ta dicidi si e conocido musico Amos Balentin ta keda deteni of no

    Awe ta dicidi si e conocido musico Amos Balentin ta keda deteni of no

    WILLEMSTAD - Awe e konosido kantante  kompositor i tumbero Amos ‘Amorreus’ Balentin (43) lo presentá dilanti di wes komisario huntu ku su abogado mr Athena Sulvaran, pa wak si lo prologá su detenshon ku 8 dia mas, òf ku e por bai kas pendiente investigashon. Manera ya a bira konosí, djabièrnè den oranan di mainta, Balentin mester a presentá na warda di polis, despues ku a hasi  denunsia di maltrato relashonal i menasa kontra di dje. Despues di interogashon personal di reshèrshi di VVC a detené Balentin. Su detenshon a tuma lugá na warda di reshèrshi. A presentá e sospechoso dilanti un fiskal ouksiliar ku a ordená su enkarselashon pendiente di mas investigashon. Hustisia di Kòrsou no ta tolerá niun akto di maltrato ni menasa. Durante tur kaso di maltrato i òf  menasa den sala di korte sea ta relashonal òf kualke otro situashon korte ta enfatisá ku ta inakseptabel pa maltratá otro. Esaki no ta keda tolerá i si e víktima hasi denunsia e sospechoso lo keda detené inmediatamente sea e ta hende muhé òf hende hòmber. NOTA: E texto ta scirbi den Papiamento fonetico di Corsou.

  • Militar Hulandes a fayece durante cu e tabata snorkel na Corsou

    Militar Hulandes a fayece durante cu e tabata snorkel na Corsou

    WILLEMSTAD – E noticia cu a domina na Corsou den fin di siman tambe tabata e morto di un militar Hulandes cu a fayece durante un session di snorkel. Tabata durante oranan tempran di diasabra ultimo 24 di februari, cu e centro maritime di operacion di Warda Costa a ricibi e melding di un militar Hulandes na e beach di Porto Mari. Mesora a saca un helicopter di Warda Costa y un avion DASH. Un unidad di e metal shark tambe a sali pa investiga. Coleganan militar tambe a cuminsa un buskeda riba tera. E curpa a wordo haya cerca di e beach di Porto Mari y entrega na autoridad.  E investigacion a cuminsa tambe pa saca afo kico exactamente por a pasa. 

  • Powered by SETAR