Aruba a prolonga ciere di frontera aereo cu Venezuela pa tres luna

ORANJESTAD – Aruba a bolbe prolonga e ciere di frontera aereo cu Venezuela pa tres luna mas entrante diadomingo 21 di januari te 21 di April proximo. Esaki ta inclui aviacion general y comercial, (pasahero, carga y post). Esaki no ta nada nobo, pero si ta un iritacion pa comercio Venezolano, mirando cu nan ta pura pa esaki keda habri pa asina por tin mas comercio entre e dos islanan. 

HABRI PA CARGA

E prome minister di Aruba Evelyn Wever Croes recientemente a admiti cu tin e chens cu proximamente lo por habri e frontera pero pa carga aereo so. Esaki den estricto cooperacion cu Venezuela, mescos cu ta e caso awor cu e frontera maritimo, cu a keda habri recientemente pero solamente pa carga manera fruta y berdura