Durante ultimo CHR a trata e desbalansa den e cadena hudicial

WILLEMSTAD – Desbalansa den e cadena hudicial den Reino Hulandes entre e paisnan lo haya atencion proximamente. Asina e 4 ministernan di Husticia den Reino Hulandes a determina durante e ultimo Justitieel Vierpartijen Overleg (JVO)osea e consulta hudicial entre 4 minister. Tabata ministernan di husticia di Hulanda  (Weerwind) Aruba (Tjon), Corsou(Hato) y St Maarten (Richardson) cu a participa na e reunion e siman aki. 

MAS TEMA

E paisnan ta traha tambe intensivamente riba varios otro tema, manera e crimen organiza, migracion, y mehoracion di e cadena hudicial. Debi na e hecho cu e islanan ta chikito, y e recurso menos, e cooperacion ta di hopi esencia. A trata tambe e funcionamento di varios instancia comun manera RST, ICT, y Ministerio Publico. Tambe a para keto un rato na e ehecucion di e Onderlinge Regeling Vreemdelingenketen, osea e reglamento mutuo di imigracion y tambe e fundacion di e asina yama   Ondermijningsplatform Cariben.Tambe a trata e tema di cuido forensico. 

DESBALANSA HUDICIAL

Tambe a trata e desbalansa den e cadena hudicial den e parti Caribense di Reino. Durante e reunionan anterior, a nota e desbalansa creciente aki unda cu prioridadnan y capacidad no ta cuadra bon cu otro. E grupo di trabou a señala e problema y a identifica un cantidad di posibel solucion. Den e proximo JVO lo bin cu un conseho con pa remedia e desbalanse aki. E proximo reunion ta tuma lugar na Hulanda na luna di juni di e aña aki.