Aeropuerto di Aruba ta cera te cu diahuebs merdia debi na problema cu airco

ORANJESTAD – Aeropuerto di Aruba diahuebs mainta (awe) ta cera pa buelonan comercial te cu 12’or di merdia. Asina aeropuerto a informa. E motibo ta cu actualmente Aeropuerto di  Aruba ta confrontando complicacion cu problema di airco. Como resultado di reparacion den e facilidadnan di aeropuerto, e sistema di airco no ta trahando adecuadamente. E situacion aki ta pone cu e pasaheronan no lo por haci uzo di aeropuerto di un manera apropia. Esaki a pone cu aeropuerto a manda notificacion oficial di e situacion. “ Te ainda nos ta premira cu cierto vuelonan lo divert (desvia) pa Corsou pero despues lo sigui opera normalmente” aeropeurto di Aruba a finalisa bisando.