Pelicula Hulandes di un ‘pais bisiña’ invadiendo Aruba y Corsou, tin hopi hende incomodo

AMSTERDAM – E pelicula Hulandes ‘Invasie’ cu ta programa pa keda presenta otro aña den cinema Hulandes na Maart, ta halando hopi atencion y tin hopi hende den nos region ‘nervioso’ e incomodo. Sigur si tene cuenta cu e sinopsis. E synopsis di e pelicula ta mustra cu ‘for di nada’ islanan Aruba y Corsou ta wordo invadi pa un pais bisiña ‘dictatorial’. Pero no ta haci mencion cua pais bisiña, aunke por pensa cu ta trata di Venezuela. Segun algun persona cu a comenta riba e pelicula, e efecto di e pelicula aki por ‘spanta’ futuro bishitantenan cu por haya idea cu un idea di e pelicula aki por bira realidad. 

PAIS BISIÑA TA INVADI ARUBA Y CORSOU

Segun e synopsis, ‘politiek Den Haag’ ta reacciona sorprendi riba e invasion. Ora cu e conflicto escala rapidamente, ta keda hopi cla cu gobierno Hulandes no por haci nada, y cu tur cos ta keda den man di tres marinero Hulandes cu mester haci e diferencia. Ademas e Kazerne na Aruba ta keda ataca, y tambe algun area player unda cu tin turista. Ta mira tambe cu mester ‘evacua’ e ‘embahador’ Hulandes. E mariniernan hoben mester bringa contra holoshi pa por rescata e embahador. Den e pelicula tin varios artista Hulandes conoci manera Tarikh Janssen, Fedja van Huêt, Jasha Rudge, Gijs Blom, Ortál Vriend, y Gijs Scholten van Aschat.

PUBLICO HOBEN

Segun e productor di e pelicula esta Bobby Boermans, e publico pa e pelicula ta uno hoben. E produccion di e pelicula a cuminsa na 2022. Segun Boermans, hopi tempo Hulanda no a produci un pelicula di accion asina. Ta premira cu e pelicula lo ta den cinema Hulandes na maart di 2024. No ta conoci si e pelicula lo pasa den nos region tambe. Por play e video for di e articulo of click AKI.