Presidente di Guyana: No ta entrega un inch di Essequibo na Venezuela!

KINGSTOWN – Un dia prome cu nan reunion programa pa awe, e presidente Guyanes Mohamed Irfaan Ali a yama e presidente Venezolano Nicolás Maduro un persona fuera di ley cu ta actuando imprudentemente pa purba invade tereno rico di petrolio for di Guyana. Esaki e la declara den un entrevista diaranson na e canal Mericano NBC. Awe diahuebs e dos presidentenan mester topa cara cara na Kingstown, capital di e isla di St Vincent pa papia riba e tema aki. 

ORDENA PA CORTE INTERNACIONALVenezuela a keda ordena siman pasa pa Corte internacional pa no haci cambio den e status di region Essequibo di Guyana. Venezuela ta reclamando e tereno ey como di nan, y den un referendum recien, ta sigura cu mayoria di Venezuela ta para tras di su presidente Maduro pa cu e decision aki.    

NO TA ENTREGA UN METER 

Durante e combersacion awe, Ali a bisa di lo bisa Maduro claramente cu ‘Essequibo ta pertenece na Guyana. Cu no tin, absolutamente no tin, negosacion riba e tema di Essequibo”. Ora cu a puntr’e si e lo entrega parti di e tereno den e region di Essequibo, e la bisa, ‘Ni un inch’. “Essequibo ta pertenece na Guyana. Nos no ta duna un inch, no den nos pensamento of idea, mas pio fisicamente’. 

TENSION

Tin un tension entre e dos paisnan unda cu Venezuela a pone trupanan caba na frontera, cla pa actua si mester. Merca tambe a alerta Venezuela pa keda rustig, pero Venezuela no kier scucha. Ali ta compara un posibel invasion di Venezuela na Essequibo, como  e invasion Ruso na Ucrania.