Elmar a alerta riba mensahe fraudulento pa desconecta coriente

ORANJESTAD – Nos compania cu ta suministra coriente pa Aruba, ElMAR, a manda un alerta diadomingo, informando un asunto preocupante cu a yega na nos atencion recientemente. E compania a bisa cu nan a ricibi informenan relaciona cu ricibimento di un mensahe via texto (SMS) supuestamente manda door di ELMAR.

MENSAHE FALSO

Segun ELMAR, e mensahe via texto (SMS) aki ta raportando falsamente cu e suministro di coriente lo wordo desconecta si no paga dentro di un periodo di 2 dia.

CLARIFICACION 

“Nos kier clarifica cu ELMAR no ta uzando e servicio di SMS pa informa clientenan tocante desconexion di servicio pa motibo di falta di pago. ELMAR no lo manda peticion pa pago cu no ta conforme nos metodonan usual di pago” e compania a sigura.

Ademas e compania a bisa cu pa cualkier pregunta of preocupacion cu bo por tin, porfabor tuma contacto cu nan na e Contact Center na customerservice@elmar.aw of +297 523-7100.