- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Van Huffelen sorprendi cu premier Wever ta sostene discurso di minister Maduro
DEN HAAG – Secretario di estado Hulandes Alexandra van Huffelen ta sorprendi cu prome minister di Aruba Evelyn Wever Croes ta sostene e declaracion di minister Xiomara Maduro recientemente na Hulanda durante un evento special. E mandatario Hulandes a bisa di a tuma nota di e declaracion di prome minister via e programa Noticiacla LIVE unda cu periodista Tito Laclé a puntra e mandatario si e ta sostene e declaracion. Noticiacla a raporta e reaccion di premier Wever tambe den su edicion e siman aki. E mandatario Hulandes no a aprecia e contenido di e speech y tampoco e hecho cu prome minister a sostene esaki, y a informa prensa Hulandes y awe tambe noticiacla di esaki.
REACCION VAN HUFFELEN
“Mi a tuma nota di e speech di e minister di Aruba di Finansas y Cultura” sra van Huffelen a cuminsa bisa. “ Cu e minister presidente (Evelyn Wever Croes:red) awor ta indica di ta para tras di e declaracionan aki, ta sorprendemi”, e la sigui bisa. “Principalmente pasobra nos ta den combersacion cu otro cu hopi frecuencia (recientemente ainda na Hulanda), pa finalisa e acuerdonan riba e supervision financiero pa Aruba”. Tambe e ta bisa cu, cu hopi frecuencia, nan tabata papia cu otro riba e contenido di e proyecto den cuadro di e pasado di slavitud. “Temanan manera colonialismo y sclavitud, no ta pas den den e forma cu mi ta traha cu e paisnan. E cooperacion ta basa riba igualdad y respet. Esey tambe mi ta pidi di mi partnernan den Reino” e mandatario Hulandes a sigui bisa. “Incidentalmente mi no a haya ningun mensahe di Aruba cui nan kier para e cooperacion aki y kico esaki ta encera concretamente” sra van Huffelen a sigui bisa. E ta bisa cu e la tende via media di esaki, pero nada oficialmente. E la bisa tambe cu den e proximo combersacion cu Aruba, e lo puntra riba esaki pasobra e no ta haya cu e tipo di declaracionan aki no ta pas den un cooperacion constructivo den Reino Hulandes.
Secretario di estado Uslu ta retira pa bolbe Corendon como su CEO
DEN HAAG – Secretario di estado demisionario Hulandes pa Enseñansa, Cultura y Ciencia, G. Uslu a haya su retiro entrante awe 1 di December di Rey Willem-Alexander. Esaki pasobra Uslu ta bay asumi un funcion den sector priva, bolbiendo e compania cu e y su ruman a lanta, Corendon, y lo asumi e posicion di CEO. Mientras cu no nombra un secretario di estado nobo, minister cu e mesun cartera, Dijkgraaf ta tuma e tarea temporalmente
Resultado oficial di eleccion Tweede Kamer ta confirma PVV e partido mas grandi di Hulanda
DEN HAAG – E resultado oficial di eleccion pa Tweede Kamer ta confirma cu partido PVV ta e partido di mas grandi di Hulanda. Oficialmente PVV ta logra 37 asiento, 20 mas cu den 2021. Groenlinks/PvdA ta bira e di dos partido mas grandi (25 cu 8 mas, pero corda cu e ultimo eleccion e partidonan a participa independientemente. VVD ta perde 10 asiento y ta bin na 24 asientio y e partido nobo NSC di Pieter Omtzigt ta logra 20 asiento. Un total di 38 candidato a haya suficiente voto preferencial pa por saca nan mes. Pero mayoria di nan lo a drenta Tweede Kamer toch, sin e votonan ey. Di e 13.5 miyon votadornan, 10.4 a vota cu ta haci e porcentahe 77.7 mas abou cu 2021.
Plasterk a sigui cu reunionan cu partidonan na Hulanda pa forma gobierno
DEN HAAG – Sondeador Plasterk a continua awe diahuebs cu combersacionan cu demas lidernan politico Hulandes cu a haya asiento den e ultimo eleccion. Plasterk ta papia awe cu Jetten (D66), Van der Plas (BBB), Bontenbal (CDA), Marijnissen (SP), Baudet (Forum voor Democratie) y Ouwehand (Partij voor de Dieren). Ta e intencion cu otro siman e ta presenta su relato na Tweede Kamer.
Sondeador Plasterk a cuminsa reuni cu partidonan politico na Hulanda
DEN HAAG – Lider di partido PVV Geert Wilders kier pa su partido sinta na mesa cu partidonan BBB, NSC, VVD. Despues di su combersacion cu e sondeador Ronald Plasterk, Wilders a bisa cu e no mester ta pa ki tipo di gabinete ta bin of kit area cada persona ta haya. Segun e, no mester tin taboe riba esey aworai. “Mi preferencia ta pa un gabinete mayoritario, of uno minoritario. Papia cu otro, kita e peso di mesa. Wak si bo tin similaridadnan di programa y si bo ta confia otro” Wilders a sigui bisa. Plasterk a papia cu demas lidernan politico di e partidonan mas grandi cu a haya asiento. Aki un siman, e tin cu presenta resultado di su sondeo.
Mas intercambio di studiante den Reino pa medio di Koninkrijksbeurs
DEN HAAG/ ORANJESTAD - Entrante otro aña di estudio, mas of menos 120 studiante pa aña por bay pa intercambio of stage den Reino pa medio di e asina yama Koninkrijksbeurs. Esaki ta un programa nobo di mobilidad pa tur studiante den Reino, cu ta enfoca riba aumenta e intercambio di studiante pa termino cortico. Recientemente, e prome cinco studiantenan Caribense a cuminsa na Hulanda cu un Koninkrijksbeurs. Pa e aña di estudio aki, ta spera cu mas of menos 25 studiante lo haci uzo di esaki. Koninkrijksbeurs ta un di e medidanan pa yuda studiante Caribense den nan carera di estudio.
Ex minister Plasterkt ta e sondeador nobo pa forma un gobierno Hulandes nobo
DEN HAAG – Ex minister Hulandes Ronald Plasterk a keda apunta como e sondeador nobo pa un gobierno Hulandes nobo. Manera cu noticiacla a raporta ayera, tabatin intencion pa Plasterk bira e sondeador nobo. Tur partido envolvi a bay di acuerdo pa Plasterk asumi e tarea aki, caul e ta inicia mayan. TA e intencion cu pa aki un siman e bin bek cu un relato pa despues e formacion pasa den su siguiente fase. Plasterk a bisa caba cu e no ta kere cu e formacion mester tuma hopi tempo.
Follow NoticiaCla
