Sjiem Fat: Corte no a duna suficiente peso na puntonan den fabor di Oduber

ORANJESTAD – Ex minister Otmar Oduber no ta di acuerdo cu e sentencia cu a cay e siman aki den su contra, unda cu Aruba Bank a logra cu via un decision di corte di apelacion, no mester habri un cuenta bancario pa e awor comerciante Oduber. Asina su abogado a declara,. “ Mi ta hanja e decision di corte decepcionante y mi no ta di acuerdo cu e decision” Sjiem Fat a bisa den un declaracion e siman aki. Segun Oduber, desishonnan de casonon den caso sumario semper ta basa riba un evaluashon di e interesnan di tur dos banda (belangenafweging) pa dicidi cua interesnan tin cu hanja mas peso.

NO SUFICIENTE PESO

Segun Sjiem Fat, Corte no a duna suficiente peso na e hecho cu e acushonnan contra dje den e caso penal / Flamingo  cu a resta ta hopi menos serio cu e acusashonnan den e caso original

Originalmente tawata trata di :

1. Labamento di placa/money laundering;

2. Participashon den un organisashon criminal pa defrauda pais Aruba;

3. Cu sr. Oduber lo a adkiri propiedadnan of fondonan substancial durante e periodo cu e tawata minister sin por splika con ela adkiri esakinan;

NINGUN PRUEBA

Sinembargo Ministerio Publico y Landsrecherche segun Sjiem Fat no a hanja ningun prueba pa e acusashonnan aki no obstante un investigashon cu a dura 4 aña. Awor, segun Sjiem Fat na lugar cu Ministerio Publico ta seponeer e caso nan a dicidi di persigiue toch ariba algun otro puntonan. Lesa e declaracion completo di su abogado AKI. E potret ta di archivo di noticiacla di un conferencia di prensa anterior di Oduber.