- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
E findishi ta na enkargo di Ministerio Públiko di Kòrsou. Benta di Campo Alegre ta debí na sentensia na 2013, kaminda e kompania ku ta manehá Campo Alegre a keda kondená pa labamentu di plaka i mester paga 14 mion florin na hustisia. Inisialmente hustisia a pidi 8,9 mion florin.
Den e deskripshon di Campo Alegre ta papia di un resort ku ta disponé di kambernan chikí i grandi manera hotèl i ta alrededor di 156. Ademas di esei tin algun pakus, kantornan, gym, restorant, dos bar parti pafó, i tambe tin un pisina.
Hasta ta indiká ku tin sufisiente lugá di stashoná outo tantu paden komo pafó di kurá di Campo Alegre pa un total di 645 lugá di stashoná outo.
Loke a hala atenshon ku tin pará den e kondishonnan di e findishi ta deklarashon di e aktual minister di hustisia sr. Shalten Hato riba prostitushon na Kòrsou. Manera ta bon konosí, Campo Alegre tabata un sentro di prostitushon di hopi aña.
Dia 19 di aprel 2022 minister Hato a deklará ku prostitushon no ta prohibí na Kòrsou ku eksepshon prostitushon riba kaya i fasilitashon di prostitushon den sierto hotèl. Esun ku kumpra e edifisio di Campo Alegre lo por habri un sentro di prostitushon na e sitio, pasobra no tin ningun opheshon di parti minister p’esaki.
Sinembargo esun ku ta bai manehá e kompania di prostitushon dentro di Campo Alegre mester tene kuenta ku e maneho di “importashon” di prostituta i e pèrmitnan nesesario. P’esei esun ku ke bai manehá Campo Alegre mester kumpli ku e maneho di prostitushon i pidi un pèrmit pa eksplotá un kompania di prostitushon, te aki deklarashon di minister Hato.
Notaris Steenbaar di kantor di notaris Simon & Steenbaar ta enkargá ku e findishi ku ta tuma lugá na Renaissance Wind Creek Curaçao Resort. NOTA: Texto ta scirbi den Papiamento fonetico di Corsou.
Telecuracao a lanta plat awe. Trahadornan a bay den accion !
WILLEMSTAD - Personal di TeleCuraçao a akudí awe mainta tempran na sede di sindikato ABVO. E trahadónan tin inkietut relashoná ku desishonnan resien di parti di maneho di e planta.
Na Corsou detenido kier a comete suicidio den cel sperando transporte pa SDKK
WILLEMSTAD - Ayera miembronan di LBD ku ta mantené órden públiko na Kas di Korte i tambe ku ta atendé ku detenidonan, a yama nan miembronan di sindikato Straf i NAPB, despues ku un detenido a sali fo’i tratamentu di su kaso i a trata na kometé suisidio.
Na Corsou a tira homber mata den porta di su cas diaranson anochi
WILLEMSTAD - Ayera nochi polis a keda dirigí pa Kaya Tamburero na Kirindongo Abou kaminda tabatin un kaso di tiramentu. Tur kos tabata indiká ku tin un hòmber den un kas, ku herida di bala i tabata sangra bastante.
Na Corsou a cera tata y yiu pa traficacion di hende
WILLEMSTAD - Un entrada hudisial dia 24 di òktober a kondusí na dos detenshon. Ta trata di tata i yu A. Nan a keda yamá ayera pa polis pa presentá kaminda interogashon a tuma lugá i segun a komprondé tambe a detené nan. E sospecho ta falsifikashon di dokumento i trafikashon di hende.
Na Corsou a cera 6 restaurant den centro comercial Sambil pa situacion a-higienico
WILLEMSTAD - Despues ku den wikènt a sera diferente establesimentu pa iregularidat manera situashon a-higiéniko i inkumplimentu ku seguridat, ayera a toka turno pa 6 mas. E bia aki e tim di kontrol a bai sentro komersial Sambil.
Barco nobo di Marina Real, “Hydrograaf”, temporalmente na Corsou y Aruba
WILLEMSTAD - Desde su ingreso na Marina aña pasá, e Hidrógrafo a konstruí rápidamente un reputashon, siendo lo último komo barku ku sistemanan avansá hidrográfiko, di nabegashon, i di komunikashon. Ku esaki e barku ta kapas di registrá ku presishon, awanan, hafnan i kanalnan di nabegashon. E kapasidat aki ta hunga un ròl esensial den nabegashon ku seguridat riba rutanan marítimo i den e mantenshon di seguridat di e awanan di Region Karibe.
Follow NoticiaCla
