Otro cas na Dakota tabata na candela diasabra mainta

ORANJESTAD - Diasabra mainta den careda di algo prome cu 9’or y mei, alarm centrale a ricibi un melding cu tin huma ta sali di un cas na Dakota. Tabata trata aki di Caya Papa Juan Pablo II (ex Rondweg) number di cas 69. Polis a yega prome y a logra drenta pa wak si tin hende den e cas. Paso huma tabata sali tur rond di e dak, nan a purba drenta 1 camber pero e porta tabata mucho cayente. Nan a pasa rond y cu slang a cuminsa basha awa den e camber via bentana.  Tabatin 2 truck di brandweer cu a yega y a drenta di biaha den accion, y den 10 minuut caba nan a cuminsa habri e bentana pa saca e huma. Esaki ta e di tres candela e siman aki na Dakota y ta premira cu ta un persona ta sendiendo e candelanan intencionalmente.