Corsou ta gana Taipei Chines y bira campeon Internacional Little League

WILLIAMSPORT – Pa di dos aña consecutivo Corsou a bira e Campeon Internacional di World Series Little League na Williamsport Pennsylvania diasabra merdia ganando di Taipei Chinese cu e score di 2-0. E tabata un rematch di 2022 unda cu ey tambe Corsou a gana e mesun ekipo Taipei Chines. E biaha aki tabatin 5 hungador di Corsou cu a hunga aña pasa tambe.  Helmir Helmijr tabata e pitcher pa Corsou cu a bay 5.1 inning y a duna solamente un hit y no a permiti careda. E unico dos caredanan tabata di Corsou den di 4 inning, unda cu Joshua Acosta Fernandez a ehecuta un toke perfecto di sacrificio, cu a permiti Jay-Dlynn Wielk score di tercera.  Despues debi na algun wild pitch di Taipei, Nassir El-Ossais tambe a logra score te for di primera base. Corsou awor ta avansa (atrobe) pa e Little League World Series Championship, unda cu nan tin cu topa e ganador di e wega entre California of Texas diadomingo awor. Aña pasa nan a gana e wega internacional, pero a perde e wega final e siguiente dia. E biaha aki nan ta determina pa cambia esey y gana tur cos.